▾
Magisterium, Acta Sanctae Sedis 36
⎗←→⎘
▾
First reprinting 1969, Johnson Reprint Corporation Printed in the United States of America
62 EX S. POENITENTIARIA. APOSTOLICA
EX S. POENITENTIARIA APOSTOLICA 63
64 EX S. POENITENTIARIA APOSTOLICA
EX S. C. S. R. U. INQUISITIONIS 115
116 EX S. G. S. R. U. INQUISITIONIS
EX S. G. S. R. U. INQUISITIONIS 117
118 EX S. G. S. R. U. INQUISITIONIS
128 ' E X S. G. INDULGENTIARUM
EX S. C. S. R. ET U. INQUISITIONIS 165
166 EX S. G. S. R. ET U. INQUISITIONIS
EX S. G. S. R. ET U. INQUISITIONIS 167
1 J74- E X s - c * C 0 N G I U I
EX S. G. EPISC. ET REGII L. 205
EX S. CONGREGATIONE INDULGENTIARUM ET SS. RELIQUIARUM
EX S. G. A NEG. ECCL. EXTRAORDINARIIS 379
380 EX S. G. A NEG. ECCL. EXTRAORDINARIIS
EX S. G. A NEG. ECCL. EXTRAORDINARIIS 381
382 EX S. CA ISEO. ECCL. EXTRAORDINARIIS
EX S. C. A NEG. ECCL. EXTRAORDINARIIS 437
458 EX S. C. A NEG. ECCL, EXTRAORDINARIIS
EX S. POENITENTIARIA APOSTOLICA 439
MO EX S. POENITENTIARIA APOSTOLICA
EX S. C. DE PROPAGANDA FIDE 481
4-82 EX S. G. DE PROPAGANDA FIDE
308 EX S. C. A NEG. ECCL. EXTRAORDINARIIS
576 EX S. C. A NEG. ECCL. EXTRAORDINARIIS
EX S. C. S. R. ET U. INQUISITIONIS 661
662 EX S. G. S. R. ET U. INQUISITIONIS
EX S. G. DE PROPAGANDA FIDE 671
A C T A S A N C T A E S E D I S
714 EX S. G. S. R. ET U. INQUISITIONIS
EX S. C. S. R. ET U. INQUISITIONIS 715
720 EX S. G. EPISG. ET REGII L.
398 LITTERAE
Nobis solatio est, ita apud nonnulla collegia musicam florere, ut haec aliis exemplum praebere possint. Aliquot vero semina- ria vel praepositorum socordia, vel inscitia et corrupto iudicio eorum, qui musicis et cantui praesunt, non sunt laude digna.
Tu igitur, Eme Princeps, quae tua est alacritas, cura ut cantus gregorianus iuxta decreta Concilii Tridentini plurimo- rumque Conciliorum provincialium et dioecesanorum totius or- bis maxima cum diligentia colatur, et in sacris solemnibus praeferatur. Antehac, verum si loqui volumus, cantus grego- rianus ex libris errantibus et imminutis cognoscebatur, sed cum viri egregii et de arte optime meriti omni studio in musicam incubuissent, mutata res est. Cantus gregorianus pristinae di- gnitati et decori restitutus, ut a Patribus accepimus et codici- bus, dulcis videtur et suavis et qui facillime disci possit, ac tanta et nova pulchritudine indutus, ut iuvenum cantorum ani- mos accierit, ubi iam colitur. Cum vero officio et muneri dulce misceatur, omnia diuturno et maiore studio aguntur. Volumus igitur et mandamus ut in omnibus collegiis et seminariis huius almae Urbis perantiquus cantus romanus inducatur, qui iam in nostris ecclesiis et basilicis cantitabatur, et optimis christia- nae religionis temporibus magno in honore fuit. Ut iam olim ex Romana ecclesia ad alias occidentales perlatus est, ita opta- mus ut clerici, qui Nobis spectantibus scientias sacras discunt, rursus eum ferant in suas dioeceses, ubi sacerdotes ad gloriam Dei sint operaturi.
Nobis autem terdecies centenum diem, qua gloriosus et im- mortalis Pontifex Divus ille Gregorius Magnus appellatus diem obiit supremum, cui Ecclesiae traditio multos per aevos horum concentuum tribuit compositionem, quibusque nomen unde fuit, magna cum solemnitate celebraturis haec mandare et prae- cipere placet. Cari Nobis iuvenes illis se exerceant concentibus, gratum enim Nobis erit sacram liturgiam agentibus eos hoc tam solemni eventu audire concentus gregorianos edentes apud illius Divi Pontificis tumulum in Basilica Vaticana.
Ut vero Nostrae erga Te, Eme Princeps, benevolentiae pi- gnus sit Apostolica Benedictio, quam Tibi, clericis et Nostro di- lectissimo populo ex toto corde impartimus.
Ex Aedibus Vaticanis, in festo Deiparae immaculatae, anno MCMIII.
PIUS PP. X