4 0 0 APPENDIX X l .

» Decernentes easdem praesentes

literas, et in eis contenta quaecum-

que, semper firma, et efficacia exi-

stere, ac fore, suosque plenarios, et

integros effectus sortiri, etc. sequuntur

amplissimae clausulae confirmatoriae

et derogatoriae.

Quod attinet ad privilegia Cleri-

corum, qui sacris Ordinibus non sunt

initiati; id est ad privilegium fori,

canonis et alia minora, quae eisdem

competant, ut privilegium ex Cap.

Odoardus, iam dedimus Lectoribus

nostris Decretalem regnantis Summi

Pontificis qua declaravit: « Clericum

in sacris Ordinibus constitutum sive

caelibem, sive matrimonio iunctum,

cum, quoad ea, quae sacrosanctum

Concilium Tridentinum sess. 23. c.6.

de Refor. disposuit, diligenter non

observaverit, privilegium fori amittit,

habendum esse destitutum , atque

ipso iure et ipso facto destitui omni-

bus Clericorum privilegiis, ita ut

haberi tractarique debeat tanquam

persona mere laica, etiam in causis

criminalibus et ad effectus poenales

quin iam nunc, ac deinceps triplex

admonitio sive declaratio, ipsum in

hanc poenam incidisse opus sit. »

Videsis hoc Decretum quod Itala

lingua qua emissum fuit adduxi in

Vol. III. p. 4 3 5 , nec non Appendi-

cem adiectam in eodem Vol.p. M5.

» Praeterea volumus, statuimus, et

declaramus praedictis Clericis Bene-

ficialis in habitu laicali incedentibus

minime licere percipere, nec facere

suos fructus, et proventus quoscum-

que suorum Beneficiorum cuiuscum-

que generis, speciei, qualitatis, et

valoris existant: quin etiam expresse

decernimus, et sancimus eiusmodi

Beneficiatus ex mero facto incessus

in habitu laicali, quamvis nulla prae-

cesserit Ordinariorum sententia de-

claratoria privationis Beneficiorum,

quae obtinent, imo etiamsi nulla

citatio, monitio, vel alius iudicialis

actus, in eos fuerit institutus, ipso

iure amissionis, et privationis fru-

ctuum praedictorum poenam incur-

rere, itaut illos nullo modo percipere,

nec perceptos retinere , vel facere

suos possint: sed ipsos absque ulla

prorsus diminutione ad commodum

fabricae Ecclesiarum, in quibus ere-

cta sunt Beneficia, illico sub poena

lethalis culpae restituere teneantur;

a qua quidem restitutionis obliga-

tione a nemine, praeterquam a Nobis,

et a Romano Pontifice pro tempore

existente ( sublata ceteris omnibus,

etiam Poenitentiariae Apostolicae of-

ficio, et Maiori Poenitentiario con-

donandi facultate) eos absolvi, et li-

berari posse volumus, praecipimus,

et mandamus.