397. De s. Nicolao Tolentino.
Ad Vesperas.

1. Fundant fratres vota precum
Et Iactentur hodie
Collaudentque regem regum,

Qui sanctae memoriae
Tolentini Nicolaum
Fecit dignum gloriae.

2. Nicolaus hic beatus

Sancto fultus flamine,
Augustinum imitatus

Sacro sub regimine,
Traxit moras incolatus
Pii patris ordine.

3. Simplex, rectus, Deum timens

Tenet innocentiam,
Rationi carnem subdens

Servat patientiam,
Augustini iter carpens

Pergit vitae semitam.

4. Pauper, castus, mansuetus,
Justus, prudens, humilis,

Viscerosus et quietus,
Virtutum amabilis

Et ornatus atque fretus
Claruit miraculis.

5. Salit claudus, fatur mutus
Hujus sancti meritis,

Liberatur compeditus,
Portus datur naufragis,

Audit surdus, videt caecus,
Vitam reddit mortuis.

6. Emundator leprosorum,

O pater mirifice,
Sublevator oppressorum,

Nos infirmos perfice
Et de fundo peccatorum

Eripe magnifice.

7. Regi regum salus, vita,
Decus et imperium,

Trinitati laus et honor
Sit per omne saeculum,

Qui concives nos adscribat
Supernorum civium.