Appendix X 401

filiali, quo par erat, obsequio et diligentia exequerentur, iis datae sunt die 10 ianuarii 1721 opportunae litterae nostro calamo exaratae, eiusdemque Pontificis sensu et oraculo comprobatae, quarum tenorem etsi alias prelo commissum et insertum in Bullario dicti Clementis praedecessoris nostri, congrue hic duximus referendum ».

Hic refert Instructionem Clementis XI ipsis verbis quibus supe- rius retulimus: inde vero sic prosequitur:

« § 8. Quantum recte dispensandis ecclesiasticis muneribus, admi- nistrandae iustitiae, componendis dissidiis, continendisque in officio clericis proficeret saluberrima praemissarum legum institutio, satis superque experientia comperimus, cum Anconitanam primum Eccle- siam ac deinde Bononiensem sponsam nostram paterna charitate cominus amplecteremur, freti siquidem dictarum legum praesidio digniores parochiis et curae animarum praefecimus; tantaque, bene- dicente Domino, id accidit animorum consensione, ut nemo quaestus sit, traditum minus digno celsioris loci praemium vel minus iuste alteri credita vacantis ecclesiae gubernacula.

« § 9. At quia certis admonemur indiciis, non ita id aliis Episco- pis contigisse, immo non deesse, qui privatis abreptis studiis saepe declinare ac redarguere iudicium episcopale praesumant: nos pro- pterea sollicitis de implendis prout decet muneris nostri partibus nonnulla praefatis litteris addenda, nonnulla vero tacite breviterque ibidem tradita clarius explicanda censuimus, ut recte omnia atque ex ordine peragantur.

« § 10. Moerentes igitur audivimus, quod in plerisque dioecesibus, et si recepta sit laudabilis firmiterque custodienda consuetudo in scriptis redigendi examen concurrentium, nihilominus Examinatorum suffragia in sola litterarum peritia versantur, nec illorum exquiritur sententia de clericorum aetate, institutione, gravitate et honestate morum, prudentia, muniis antea exercitis, et an tales demum sint, qui oves suas verbo et exemplo iuvare possint. Quam devia sit huiusmodi praxis a Tridentini semita, is plane intelliget, qui expendet verba relata cap. 18. Sess. XXIV, de reformat.: « Peracto deinde examine, renuncientur quotcumque ab his idonei iudicati fuerint moribus, doctrina, prudentia et aliis rebus ad vacantem ecclesiam gu bernandam opportunis ». Idque probe noscens Congregatio eius- dem Concilii Interpres, pluries edixit, Examinatores suo deesse muneri, si doctrinae tantum iudices essent, nec inquirerent, qui prae aliis probitate morum, laboribus, praestito antea Ecclesiae obsequio ceterisque dotibus ad officium Parochi cumulate obeundum necessariis essent idonei et commendabiles.

« § 11. Absoluto examine ut cuique satis compertum est, fit tan- tummodo potestas Examinatoribus renuntiandi quotquot regendae ecclesiae idoneos iudicaverint, reservata uni Episcopo electione dignio- ris, quemadmodum sancitum est a Tridentino illis verbis: « Ex his-

Acta, tom. VII, fase. LXXIX. 26