402 CONCORDIEN.

eum relinqueret: factum separationis ob viri ineptitudinern ad copulam: depositiones parentum primae eiusdem Muzzin uxoris. Quae omnia si attente perpendantur, non modo re- velant matrimonium consummatum non fuisse, verum etiam omnem inter coniuges collusionem excludunt.

VOTUM THEOLOGI. Matrimonium in themate, ait iste, nul- liter fuisse initum impedimento impotentiae, ex parte viri, pe- ritia medicorum non obscure demonstrat. Etenim ex iure natu- rali et positivo impotentiae defectus nullum facit matrimo- nium. Obiectum enim coniugii est generatio prolis; si natura vel virum vel mulierem inhabilem ad prolem generandam effe- cit, ita ut maritalis copula haberi numquam potuerit, divortio per auctoritatem ecclesiae iis uti permittatur. Ita statutum est in iure cap. Fraternitatis, tit. De frigid, et maleficiaos et a Concilio Tridentino confirmatum. Impotentia laborat Ioseph Muzzin coeundi ; nullum igitur fuit matrimonium quod cum Maria Martin inivit. Peritia medicorum non obscure huiusmodi impotentiam declaravit. Praemittenda aliqua censuit Theolo- gus, ut peritia medicorum sine ulla aequivocatione intelligatur.

Impotentia definitur inhabilitas ad habendam copulam car- nalem perfectam, talem , quae fit per feminae vasis pene- trationem et seminis in id effusionem. Ita docent Sánchez lib. 7, Disput. 92. n. 7* Pirhing h. t. n. 1, cum comuni canonistarum sententia. Huiusmodi inhabilitas est vel naturalis seu intrinseca, vel accidentalis seu extrinseca. Illa ex na- turae defectu, altera ex opera hominis provenit. Reiffenstuel Ius. can. tom. IV in lib. decr. tit. XV De frig. et male- fic. Verum impotentia perpetua sive naturalis sive acciden- talis quae absque mortis periculo, nec per media licita tolli potest, dirimit matrimonium, dummodo impotentia antece- dens sit ; nec non absoluta scilicet quae respectu omnium alterius sexus personarum datur: non vero temporalis et subsequens. Impotentia vero respectiva non inducit impedi- mentum respectu omnium personarum, sed illius personae cum qua nequit copulari cap. Fraternitatis 6r h. tit. Sen- tentia isthaec commuiiissima est apud canonistas.