402 VIGILIEN.

electis , tres tantum aderant ; nam quartus pridie nuncium miserat thelegrammate dato Francisco Cocola candidato, quod sub hora tantum undecima ante meridiem advenire!, prouti factum est. Quare alii examinatores certiores effecti, quartum Examinatorem postea super venturum, quaestiones enodandas examinandis proposuerunt, non secus ac suas obtulit novis- simus quum hora iam enunciata advenerit. At malo fato Angelus Dente cum iam per sex fere horas operi incubuerit et duas ex quatuor propositis absolveret quaestiones, febre correptus ab incoepto desistere coactus est, atque aulam con- cursus derelinquere , quum interim alius candidatus susce- ptum experimentum ad finem perduxerit.

Examine ita absoluto, apud Ordinarium examinatoribus rite coadunatis pro expendendis concurrentium lucubrationi- bus, Angelo Dente ex scientia in examine comprobata 7 puncta attributa sunt; Francisco vero Cocola, ex eodem titulo 11 puncta. Dein, perpensis aliis qualitatibus moralibus, prouti fieri solet, Angelo Dente 6 puncta tribuere censuerunt exami- natores, Franciscus Cocola 3 puncta. Quamobrem hisce punctis summatis, Angelus Dente 13 retulit, Franciscus Cocola 14.

Tali de candidatorum idoneitate habito specimine Ordi- narius anceps haesit, tum ob circumstantias concursum conco- mitantes, tum ob ipsius experimenti exitum et aestimatio- nem, dubitans primo an concursus valeret, secundo et data eius validitate cuinam ex candidatis praebenda adiudicanda esset. Dubitandi ratio, an scilicet valeret concursus, vehe- menter Apostolici Administratoris movebat animum, quia examinatores pro examinandis quaestionibus sibi quoddam iudicii proposuerunt criterium quod postea non observarunt.

Sed ad quaestionem dirimendam Archiepiscopus recursum habuit ad S. C. C. et sub die 17 Martii 1894 ita rescriptum fuit : Quatenus constiterit neutrum ex concurrentibus fuisse approbatum ab examinatoribus, renovandum esse concur- sum: quatenus vero contrarium constiterit, Ordinarius utatur iure suo , seligendo inter approbatos quem magis in Domino expedire iudicaverit.