402 EX SECRETARIA BREVIUM

summa religione veneratur. Cum vero quintus et vigesimus annus ab hoc extructo templo propediem expleatur, Tuque, dilecte Fili Noster, hac data occasione instanter a Nobis petie- ris, ut ibidem positam SSmi Iesu Cordis imaginem habeas co- ronandi facultatem ; Nos, quo tam frugifer cultus magis magis- que augeatur in dies, piis huiusmodi votis censuimus obsecun- dandum. Quare omnes et singulos, quibus hae Nostrae Litterae favent a quibusvis excommunicationis et interdicti aliisque ec- clesiasticis sententiis, censuris ac poenis, si quas forte incurre- rit , huius tantum rei gratia absolventes et absolutos fore cen- sentes, tibi, dilecte Fili Noster, praesentium tenore committimus, ut dictam SSmi Iesu Cordis imaginem in memorato templo Suburbii Antverpiensis existentem die per te eligendo sollemni ritu, servatisque servandis, Nostro nomine et auctoritate coro- nare licite queas.

Quo autem sollemne huiusmodi Sacrum in spirituale quo- que Christifidelium bonum cedat, omnibus ac singulis utriusque sexus fidelibus, qui vere poenitentes et confessi ac S. Commu- nione refecti, ipso Coronationis die, vel in posterum diebus eiusdem Coronationis anniversariis praefatum templum visita- verint, ibique ante supradictam SSmi Iesu Cordis imaginem pro Christianorum Principum concordia, haeresum extirpatio- ne, peccatorum conversione atque Sanctae Matris Ecclesiae exaltatione, pias ad Deum preces effuderint, Plenariam omnium peccatorum suorum indulgentiam et remissionem, quam etiam animabus Christifidelium, quae Deo in charitate coniunctae ab hac luce migraverint, per modum suffragii applicari posse con- cedimus ac largimur. Non obstantibus contrariis quibuscumque.

Datum Romae apud S. Petrum sub annulo Piscatoris die 28 Aprilis 1903, Pontificatus Nostri anno vigesimo sexto.

A. C ARD. MACCHI. L. S S.

Dilecto Filio Nostro Petro Lamberto S. R. E. Presb. Card. Goossens

ex concessione et dispensatione Apostolica Archiepiscopo Mechlinien.