VIGILIEN. 403

Exinde Administrator Apostolicus, animo reputans utrum- que concurrentem Examinatores approbasse, praebendam theo- logalem potius Angelo Dente conferendam esse iudicavit, eo quia qualitates morales essent praestantiores. Quare ad S. Da- tariam Apostolicam literas dedit pro expeditione literarum Apostolicarum: beneficium enim quippe mensibus papalibus vacaverat, erat Sanctae Sedi reservatum ; quam circumstan- tiam S. C. C. Ordinarius reticuerat.

Rei notitiam cum habuerit Franciscus Cocola ad acta S. Datariae apposuit Nihil transeat, ratus iniuria alteri candidato posthabitum fuisse et exigens, ut ad tramites Con- stitutionis Benedictinae acta concursus ad S. Datariam trans- mitterentur.

Proinde exorta etiam est quaestio de competentia; an nempe S. Dataria vel potius haec S. Congr. competens esset: sed hac quaestione rite agitata in S. Datariae Tribunali apud Praefectum officii per Obitum, quum partes consenserint, ut causa apud S. C. C. agitaretur, Beatissimus Pater, quo sospite fruimur, votis annuens concessit ut ab eadem S. Con- gregatione lis definiretur.

Disceptatio Synoptica

DEFENSIO FRANCISCI COCOLA. Franciscus Cocola per inter- positum Procuratorem haec advertit. Nempe in primis asse- rit, innumeras et inexplicabiles tricas et circumventiones habitas esse in enunciato concursu, quarum primum auctorem ait, fuisse Sacerdotem Tarlizzi, qui antea concurrit, quasi ad alios ferendos, dein postea petito concursui renunciando.

Item evincere contendit ex ratione agendi Curiae Tra- nensis et Vigiliensis. Siquidem Curiae istae pluries invitatae ab Apostolica Dataria, ut acta concursus ad Eam transmit- terentur, vana et inutilis prorsus fuit postulatio.

Expediendas vero esse Literas Apostolicas favore sui clientis, postulat patronus, ob suffragiorum maioritatem quam retulit ab Examinatoribus.