Acta Pii Pp. XI 407

matrem carissimam, quae eas omnes et singulas sive voce sive scripto

continenter ad perfectionem adducere conata est. Acceptis autem multa

cum veneratione a Praesule Savonensi Regula atque habitus religiosi

forma, Venerabilis Maria Iosepha, quamvis ultimis annis vitae suae

gravi morbo affligeretur, alacri studio usque ad mortem suum Filiarum

Nostrae Dominae a Misericordia moderata est Institutum, quod prae-

stitutos fines haud dubie hac de causa assecutum est. Iam enim in pri-

mordiis Instituti, lethifero morbo in Liguria grassante, a nullo ministerii

genere ut infirmos diu noctuque sublevarent Filiae Nostrae Dominae

a Misericordia, pia matre Maria Iosepha auctore atque impulsore, refu-

gerunt; dein plura nosocomia, quae eisdem administranda fuere concre-

dita, maxima cum animorum utilitate ac temporali etiam infirmorum

bono gesserunt. Ut autem grex Christi in Fidei veritatibus edoceretur

multa mulierum ac puellarum hospitia, conlegia scholasque Venerabilis

Dei Famula instituit, suisque Filiabus instantissime tradidit atque incul-

cavit ut horum operum bonum provehendum iugiter respicerent; et sic

mandatum Matris fideliter .Filiae sunt persequutae, ut Institutum a

Misericordia eiusque Sorores ad hunc usque diem amplissimos ediderint

atque attigerint fructus tam religiosae quam civili societati. Sed prae-

cipue e prudenti ac provido studio Venerabilis Mariae losephae salu-

berrimi huiusmodi fructus prodire videntur. In regendo sane Instituto

semper vigilantem matrem sororibus se praebuit; et maxime sollicita

fuit de solida alumnarum vocatione Deo serviendi, qua probata eas etsi

pauperes et dote carentes libenter excipiebat, et receptas in sancta reli-

gione servabat sub Regularum observantia, ipsa praeeunte, prudentia,

caritate et exemplo, ita ut ab Regulis, licet infirma, solvi non pateretur.

Magistra vero Filiabus suis in omnibus virtutibus exercendis se ostendit.

Equidem in eadem virginalis puritas, humilitas profunda, consummata

prudentia, actuosa animas Deo lucrandi cura, in rebus adversis forti-

tudo, evangelicus paupertatis amor, magna Divinae Providentiae ac

misericordiae fiducia enituit. Verum has omnes aluit virtutes evexitque

fervidissima eius in Deum caritas et dilectio in proximum, pro cuius

animae corporisque salute se totam impendit seseque profudit. Ad rem

profecto memorari etiam oportet eius studium in ecclesiasticis voca-

tionibus fovendis, eiusdemque auxilium Operi redemptionis puellarum

nigritarum ultro libenterque praestitum. Cum autem erga Iesum Chri-

stum sub velis Eucharisticis delitescentem immenso ardore flagraret et

in Dominicam Passionem continuo animum intenderet non secus Vir-

ginem Beatissimam eiusque castissimum Sponsum peculiari affectu iugi-

ter dilexit : Custodem Angelum suum, Sanctum Ioannem Baptistam san-