408 Acta Apostolicae Sedis - Commentarium Officiale

ctuinque Vincentium a Paulo qua efficaces suos suique Operis apud

Deum Patronos elegit ac venerata est. Apostolicis demum fracta laboribus

ac diutino consumpta morbo sexagesimum nonum suae aetatis annum

agens in principe Filiarum Nostrae Dominae a Misericordia domo, Savo-

nae, solertissima ac relligiosissima vita Dei Famula functa est mense De-

cembri in pervigilio Sollemnitatis Conceptionis Immaculatae Beatae

Mariae Virginis, anno millesimo octingentesimo octogesimo; Eiusdem-

que corpus tunc, frequentissimis ex omni genere civibus comitantibus,

in publico coemeterio est humatum; a quo tamen, ubi primum oppor-

tuna tempora visa sunt, in domum principem Savonensem Instituti

translatum est; ibique in marmoreo sarcophago, qui erat sub aedicula

idonea in viridario cypressibus circumdata, antea mansit; penes postea

altare maius adiecti domui memoratae templi in loco quem dilectissimae

Matri alumnae eius paraverant, post rite expletam anno millesimo non-

gentesimo decimo septimo recognitionem, est pie repositum. Ob virtu-

tum vero famam, qua vitam adhuc mortalem agens Famula Dei incla-

ruerat, nec non ob insolita quoque prodigia, quibus post eius obitum

Deus Servae suae sanctitatem confirmare tradebatur, de Beatorum

coelitum honoribus ipsi Famulae Dei decernendis, processibus Ordinariis

initis ac de more confectis, penes Sacrorum Rituum Congregationem

Causa agitari coepta est, ita ut per Decretum die x x i n m. Iulii, anno

millesimo nongentesimo vicesimo quarto editum Nos ipsi Introductionis

Causae Commissionem manu propria signaverimus; eademque, intro-

ducta cum fuerit, minoribus interea superatis iudiciis, adeo deinceps

progressa est, ut mox etiam super Venerabilis Famulae Dei Mariae lo-

sephae Rossello virtutibus disceptari coeptum sit, quas tanquam heroica

qualitate praeditas atque exornatas Nos anno millesimo nongentesimo

tricesimo sexto, quartodecimo kalendas Apriles, adprobavimus et

declaravimus. Agitata dein quaestione de duobus miraculis, quae

a Deo patrata ferebantur per eiusdem Venerabilis intercessionem,

post duas Congregationes, antepraeparatoriam nempe et praeparato-

riam, nec non aliam generalem Congregationem, quae coram Nobis die

quinta mensis Aprilis huius anni habita est, rebus omnibus acerrimo

iudicio investigatis, Nosmetipsi die decima praefati mensis, nempe Do-

minica Palmarum, miracula proposita constare ediximus, ulterius-

que proinde in casu procedi posse. Cum igitur esset de heroicis

virtutibus deque miraculis prolatum iudicium, illud discutiendum supe-

rerai, num Venerabilis ipsa Dei Famula inter Beatos coelites recen-

senda tuto foret. Hoc dubium propositum est a Dilecto Filio Nostro

Raphaele Carolo Sanctae Romanae Ecclesiae Cardinali Rossi, hodierno