408 CONCORDIEN.

debilitatem incassum adhibuisse, teste Maria. Hoc ne sufficit ut censeatur insanabilis morbus? Quid quod Iosephus vel ab ipsa resipiscentia salutem sperare potest?

Nec confugias ad dispensationem super matrimonio rato. Praeterquam quod enim Maria hoc minime postulavit, eidem refragatur obstetricum testimonium quae uno vel ore refe- runt hymenem deletum esse, et tactus digitorum assertos non potuisse eiusmodi efficere deletionem.

Quaecunque autem suspicio abest, ne Maria per adulteria virginitatis iacturam fecerit. Nam bonos eius mores testes omnes commendant, quos inter Angela Villalta Calderan, quae actricem a sacro fonte levavit.

Eximii consultores theologus et canonista confidunt in coniugum confessione, septimae manus iuramento firmata. Non tamen advertunt, a veritate, tum coniuges cum septimae manus testes, quandoque aberrare. Mitto Iosephum, qui, ne- scio qua fide ductus, magna voce et bonis lateribus suam impotentiam suadere contendit, postquam in iudicio et extra iudicium testatus erat se plus semel cum Maria coivisse.

Maria ut sponsum impotentem declaret, retulit Iosephum sibi induisisse alium benevisum sibi assumere virum et hoc dixisse coram Dominico Villalta, propria matre et Pe- tro Moras. Iam vero Petrus Moras iurat haec non audivisse verba.

Et quoniam sermo est de Petro Moras, videte, quanta ingenuitate narret iste veri haud similia : quando perrexi ad petendam Mariam Angelam, eius pater mihi respondit, con- tentum esse, eamdem dare in uxorem Iosepho, dummodo ipse sanus esset et matrimonio habilis.

Ecquis credet, actricis patrem, rudem hominem, rem ad praesentem controversiam apprime accommodatam, etsi cogitatu haud facilem, in mente volutasse et de ea sermonem cum fabro terrario habuisse, prima vice qua de Iosepho Muzzin loqui audivit?

Concludam: iudicium et testimonium peritorum ac ob- stetricum cum adversa actione e diametro pugnant. Con-