ROMANA 409

28 Ian. 1871 ut in posterum quisque Praebendatus valeret retinere 7 pro singulis centenis in respectivis pensionibus in qualibet pensionis decurrentia, initium sumendo a mense Iulio a. supradicti, exceptione facta dumtaxat pro decur- rentia mensis Septembris anni praefati in qua cum dicta taxa percutiat tantum trimestre retentio fieri debebat in 3,50 in singulis centenis. Ratio huius dispositionis erat quia ex augmento taxae in vim novae legis ad 20 % reditus Capi- tulares incipiendo a mense Iulii d. a. imminutionem patie- bantur in libellis plusquam 38.000, ita ut reditus cuiuslibet Canonici decurtati manerent annuatim in libel. 700, Bene- ficiati in lib. 350 et Clerici Beneficiati in lib. 175.

Contra hoc decretum recursum habuerunt ad S. Cong. EE. et R R . primo Rmus Constantinus Contini Riccardi qui annua pensione libel. 500 fruitur super beneficio pos- sesso a D. Albertazzi in Basilica Vaticana, et deinde Ioannis Magnanigo qui annuam pensionem libell. 200 habet super canonicatu in d. Basilica iam possesso a Rmo Carini et modo a Rmo Felice Cavagnis, petentes ut sibi integre di- ctae pensiones solvantur nulla ratione habita de statuta, ut supra, retentione.

Auditis super hisce recursibus quoad primum interesse habentibus, quoad secundum, Capitulo canonice coadunato et per secreta suffragia, Emus Archipresbyter praefatae Ba- silicae sub die 1 Octobris relati anni rescripsit indubie ap- plicandum esse Decretum Cum Nuperrimis pro novo taxae augmento, pensionibus iam existentibus tempore superventae legis : declarat autem impositas post dictam legem vel in posterum imponendas pensiones immunes esse debere a dicta retentione augmenti taxae 7 ° / 0 .

Transmissis deinde deductionibus tum ex parte sac. Ma- gnanigo, tum ex parte Rmi Capituli Vaticani causa iussa est proponi in plenario Auditorio Emorum Patrum, ut hinc edita decisio supponeretur approbationi SSmi Dñi Nostri seu ad referendum.