410 FUNERUM ET EMOLUMENTORUM.

« aliis personis quibuscumque, nunc et pro tempore existentibus, « ut omnibus et singulis, privilegiis, facultatibus, libertatibus, « immunitatibus, exemptionibus, praerogativis, praeeminentiis, « concessionibus ac iure sepeliendi, sine tamen iurium parochi « praeiudicio . . . . ut i , frui, gaudere, potiri valeant indul- « sit». Eadem privilegia per aliam Bullam diei 21 Aprilis 1823 concessa fuere Congregationi Oratorii erectae in civitate R.

Horum privilegiorum causa, et praecipue ob ius tumulandi multae exarserunt lites inter Patres Oratorii et Parochos illius civitatis. Sibi contendebant Parochi , ius competere sacra pera- gendi officia et exequias super defunctis, qui in Patrum Orato- rio sepulturam haberent gentilitiam aut electam. Ex adverso autem propugnabant Patres sibi exclusive ius esse, fúnebres confi- ciendi functiones et emolumenta percipiendi dictorum defuncto- rum, etiamsi eorumdem cadaverum expositio locum habuisset in paroeciali ecclesia.

Res delata fuit apud Episcopalem Curiam, et apud s. Rotae Tribunal, a quo cum iudicium definitivum attenderetur, Antistes, accersitis litigantibus partibus, curavit ut per transactionem iur- gia componerentur. Qua transactione constitutum fuit, ut litibus initiatis ab utraque parte nuntium mitteretur; ut in futurum funus in Ecclesia Patrum fieret a proprio Parocho usque ad non intres exclusive, et quoad infantes tota fieret functio a parocho ; ut expensae litium a nemine repeterentur ; ut emo- lumenta perciperentur a Patribus Oratorii, excepta quarta parte, ad formam consuetudinis, favore Parochi. Quae transactio san- ctionem accepit ex audientia SSmi per istam s. Congregationem.

Iurgia quae iam siluerant usque ad annum 1861 , iterum exorta sunt cum Patres per iniquam suppressionem ex proprio eiicerentur asylo. Ex hoc facto crediderunt Parochi quod Patres haud amplius constituerent religiosam familiam, quae Apostolicis frui valeret privilegiis. Quapropter Parochus, in cuius Paroeciae fines Patrum Ecclesia erecta era t , insciis eisdem, in- illorum Ecclesiam cadavera detulit, et iuxta funebria explevit supra de- functis, qui inibi gentilitiam haberent sepulturam, aut non ha- berent.