Ex S. Congregatione Rituum

EX S. CONGREGATIONE RITUUM ORDINIS MINORUM CAPUCCINORUM

Regulares dispersi non tenentur ad Officium et Suffragium Titularis ecclesiae conventualis.

Ferme omnes ecclesiae Ordinis Minorum S. Francisci Capuccinorum in Gallia sunt clausae et Conventus Religiosis vacant. In manus sic dicti Liquidatoris transierunt ecclesiae et Conventus; nihilominus in locis ubi erant Conventus re- manserunt Religiosi, qui licet separatim vivant, Superiorem localem habent.

Quibus sic stantibus, a Sacra Rituum Congregatione ex- postulatum fuit: Utrum praedicti Fratres, degentes in loco ubi primum erat Conventus, teneantur Officium Titularis ec- clesiae conventualis, clausae et etiam in alios usus conversae, celebrare sub ritu duplicis primae classis cum Octava, et in Suffragiis Sanctorum commemorationem praefati Titularis per- agere ?

Sacra porro Rituum Congregatio, ad relationem subscri- pti Secretarii, exquisito voto Commissionis Liturgicae, omni- busque sedulo perpensis, rescribendum censuit:

Negative; sed unice tenentur ad Officium et Suffragium de Patrono seu Titulari Provinciae Regularis, quatenus ex Rubrica vel indulto Apostolico habeantur; uti in Decreto n. 3210 Ordinis Minorum 3 Iulii 1869 ( i ) .

Atque ita rescripsit. Die 9 Septembris 1905%

A. Card. TRIPEPI, Pro-Praefectus.

L. «f* S. f D. Panici, Archiep. Laodicen., Secretarius.

(i) Hodierna responsio, licet Capuccinis data sit, tamen ob rationis iden- titatem pro coeteris quoque Religiosis, qui sive in Gallia sive alia in natione iisdem detinentur circumstantiis, valere potest. Inculcatur praeterea obligatio re- citandi Officium de Patrono Provinciae Regularis ac illius peragendi comme- morationem in Suffragiis Sanctorum Ordinibus illis, qui ad hoc tenentur vel ex Apostolico indulto vel saltem ex speciali Rubrica proprii Ordinis, prouti verifi- catur apud Gapuccinos aliosque Minores iuxta citatum Decretum n. 321 o (N. R.).