408. In Translatione s. Pliiliberti.
Ad Matutinum.

1. Gaudeat tellus jubilansque plaudat,
De patris festo Philiberti hymnum
Promat en almum jubilansque reddat
Vota patrono.

2. Hujus obtentu decoratur ordo
Coenobitarum venerandus olim,
Quem sibi junxit copulando normae
Denique sacrae.

3. Martyr insignem cupiit triumphum,
Sed reseravit melius redemptor
Hunc virum propter varias medelas
Atque labores.

4. Hic pius pastor luculenter egit
In suis gestis pietatis acta
Atque fundavit loca amoenitatis
Corde sagaci.

5. Hujus ad tumbam modo languor artus
Laxat aegrotos veniamque praestat
Omnibus nec non tribuit valenter
Dona salutis.

6. Gloriam patri resonemus omnes
Et tibi, Christe, genite superne,
Cum quibus sanctus simul et creator
Spiritus regnat.