412 Acta Apostolicae Sedis - Commentarium Officiale

Quarta ex duodecim filiis Claudii Michaelis et Annae Mery, Maria

Victoria in fundo Le Mas, apud oppidum Sablières in Dioecesi Vivariensi,

die 1 Februarii mensis a. D. 1805 nata, die sequenti, B. M. V. Purificationi

sacra, sancti baptismatis lavacro rite est abluta. Pietate summopere com-

mendandi eius parentes fuere, pater praesertim, qui magna gallica pertur-

batione in catholicos saeviente, praecipue in sacerdotes, hospitio et subsi-

diis generose eos levabat. Hic, qui oppido Sablières per quadraginta annos

praefuit, « Paenitentium » sodalitii praeses, mater autem, piae feminarum

unionis et ipsa praeses, filios suos exemplo et verbo, suaviter quidem sed

fortiter, christianis moribus formaverunt. Nec bonum semen et labor

incassum ceciderunt. Omnes enim christiano more rituque vixerunt, et

ex his primogenitus sacerdotio fuit auctus, Maria Victoria autem virtute

et vitae sanctitate in religioso statu enituit: cuius indicia vel a teneris

unguiculis manifestari coeperunt. Adhuc enim puellula intempestae noctis

silentio, flexis genibus iunctisque manibus, a sorore visa et audita est pro

suo modulo Deum enixe rogare ut religiosam fieri sibi daretur. Ingenuae

infantulae precibus benignum Dominus auditum opportuno tempore prae-

buit. Quum in aetate decem esset annorum primitus, una cum fratre

natu maiore, summo animi gaudio sacra Eucharistia fuit refecta. Iam tum

impensius orationi instare coepit. Quarta matutina hora, quocumque anni

tempore, frigidissima licet hieme desaeviente et nive decidente-, ad paro-

chialem ecclesiam, quatuor chilometris distantem, semel in hebdomada,

praeter diem Dominicam, ei datum est accedere, ut sacro reficeretur pane;

ibique plures horas veluti in Dei consortio perstabat. Litterarum rudimenta

prius in pago Le Mas, dein in oppido Vans posuit, ubi Soror Catharina

Castanier, quae, quum ex Mimatensibus ITrsulinis esset, in eo fuit ut pro

fide, sicut consodales Arausicanae, martyrio coronaretur, Institutum a

S. Ioseph pro puellis instituendis fundaverat. Sub tanta magistra miras

in pietatis semitam Maria Victoria progressiones fecit, adeo ut apud se

eam retinere Catharina secum volveret. Verum Deo aliter disponente,

anno 1825 sacerdos Stephanus Terme, qui missionales praedicationes ibi

maximo populi emolumento habuerat, Mariae Victoriae, quae, uni Deo

servire cupiens, oblatas nuptias respuerat, oculos adiecit, ut in paroecia

loci Aps una eum nonnullis virginibus a se collectis, puellarum institutioni

incumberet. Piissimi sacerdotis optatui sequenti anno Mariae Victoriae

parentes morem gesserunt. Die 27 Martii anno 1826 Episcopus Vivariensis

religioso habitu eam induit, Sororis Teresiae nomine ei indito. Paullo post

idem sacerdos Terme, animarum pericula et scandala conquerens, quae in

diversoriis loci La Louvesc, quo plurimi S. Francisci Begis sepulcrum vene-

raturi peregrinabantur, eveniebant, domum, in qua feminae hospitio recipe-