412 ROMANA

cessitas videndi utrum reditus quos Decretum Cum Nuper- rimis supponit amissos vel imminutos referri debeant ad re- ditus assignatos titulari, tempore quo obtinuit beneficium eique imposita fuit pensio, vel potius sint illi quos benefi- cium habebat ante novas vicissitudines politicas seu ante an. 1870 ad effectum decernendi, comparatis reditibus prio- ribus cum hodiernis, utrum realis et effectiva imminutio con- tigerit in sensu relati Decreti. Videtur, ait Rmus Summista, quod extraordinarium Decretum percusserit statum redituum qualis erat tempore quo titularis beneficium obtinuit eique pensio fuit imposita et hinc quod diminutio pensionis si lo- cum habere debeat, desumenda sit ex differentia inter illos et hodiernos reditus.

Sane recolendum quod relatum Decretum fuit specialis provisio fundata in lege aequitatis : cum enim in vim no- varum vicissitudinum multi beneficiarii in Italia suorum re- dituum imminutionem passi fuerint, aequum fuit, ut ab hoc damno aliquatenus allevarentur etiam concursu pensionario- rum seu reductione proportionali eorum pensionis.

Iam vero pergit Summista quod haec imminutio redi- tuum intelligenda sit de reditibus tempore collati beneficii et impositae pensionis primo eruitur ex duabus primis pe- riodis ipsius Decreti. Enimvero in primo periodo edicitur quod cum reditus beneficiorum ob novas vicissitudines passi fuerint imminutionem, Beneficiarii illos (reditus) haud am- plius oneribus abs se ferendis pares esse existimarunt. Ergo ante novas vicissitudines reditus erant pares oneribus fe- rendis. Sed qua de causa illi reditus capaces fuissent onera imposita supportandi inter quae pensiones, nisi quia reditus remansissent iidem ac quando illa onera imposita fuerunt ? Sequitur periodus Decreti Illud vel maxime grave ipsis (beneficiariis) visum est quod, ad pensionum solutionem ab iis urgerentur, quorum favore in actu collationis legitimi sunt impositae aut reservatae. Haec verba clare exprimunt in tantum beneficiariis visum esse grave cogi ad persolven- dum hoc onus, in quantum reditus amplius non erant iidem