412 Appendix HI.

cies, ac proinde plura sortiuntur nomina, ratione habita exten- sionis mandati. Unde rectissime Ulpianus 1. c. : Procurator autem vel omnium rerum vel unius rei esse potest constitutus vel coram vel per nuntium vel per epistolam Et Frag, III idem Ulpianus : Item ad litem futuram et in diem et sub con- dicione et usque ad diem dari potest.

6. Usitatissima autem est procuratorum distinctio : d) in procuratores ad negocia vel ad lites, prouti constituuntur ad negocia extraiudicialis, vel iudicialia : b) in procuratores gene- rales et speciales, prouti dantur vel ad omnia negocia seu lites, vel ad aliquod negocium seu aliquam litem.

7. Cur autem procuratorum usus receptus fuerit, eviden- tissimum est. Nam, ut recte Ulpianus (Frag, i iam citato) : usus... procuratoris perquam necessarius est, ut qui rebus suis superesse vel nolunt vel non possunt, per alios possint vel agere vel conveniri.

8. Quod si quaeratur, an haec regula de procuratoribus constituendis ita generalis sit et constans, ut nullam exce- ptionem admittat, respondendum negative, quum, si plura sint negocia quae procuratoris constitutionem ferunt, non pauca sunt quae ipsam non patiuntur.

9. Ne autem incerti vagemur in hac distinctione inter negocia et negocia facienda, tutas expedit constituere nor- mas. Sunt autem plus minusve quae sequuntur: d) Quum, iuxta Reg. iuris LXVIII in vi : Potest quis per alium, quod potest facere per seipsum, et Reg. LXII item in vi : Qui facit per alium est perinde ac si faciat per semetipsum, generatim possit quis negocia sua agere per alium, eo quia faciendo per alium videtur facere per semetipsum, regulae ad instar est servandum posse procuratores in genere constitui quoad omnia negocia sive iudicialia, sive extraiudicialia: b) Quia vero nonnulla sunt negocia, quae, vel rerum natura vel lege positiva id exigente, personaliter seu per se debent expediri, exceptionis per viam excludenda sunt a regula generali, pro- curatorum usum admitiente, ea omnia et singula negocia, quae vel ratio vel lex iubent, ut personaliter peragantur.