358. De sancto Nicolao.
Ad Laudes.

1. Festam, fratres carissimi,
Nicolai sanctissimi
Seductum anni circulo
Frequentemus obsequio.

2. Cui est ab infantia
Concessa Christo gratia,
Ut infans semel in die
Mamma materna biberet.

3. Mira Dei clementia
Et stupenda potentia.
Cui tam breve corpusculum,
Fide replesti spiritum.

4. Aetas crescebat corporis.
Virtus pollebat operis,
Faciebat prodigia,
Signa et mirabilia.

5. Quidam pauper, inopia
Valde pressus, penuria
Natarum strupo vivere
Decreverat illicite

6. Quod Nicolaus audiens,
Tanto turbatus scelere,
Ut erat clementissimus,
Non pertulit hoc vitium.

7. Auri talenta pondera
Largitor probatissimus
Projecit in domo viri
Auctoritate termini.

8. Nautis jam pereuntibus,
Nicolaum vocantibus.
Mare placatum exstitit
Virtute sancti spiritus.

9. Sit Christo laudis gloria,
Patri sanctoque flamini
Laudem canamus liberi
Per infinita saecula.