414

TARENTINA

H Y P O T H E C A R I A E CAUTIONIS

Die 7 Septembris 1889.

Per Summaria precum.

COMPENDIUM F A C T I . Comes Franciseus de Notaristefano possessor est cuiusdam commendae e militari Ordine Con- stantiniano a S. Georgio, quae commenda de iure patronatu est suae familiae. Ex pseudo lege civili diei 29 Iunii 1873 commendae bona redimi debuerunt. Post nonnullos annos cum pro familiaribus negotiis expediens videretur haec commendae bona subrogari cum aliis familiaribus bonis alio in loco sitis, comes, qui pius ac religiosus ab Ordinario suo renunciatur, veniam id faciendi petiit, idque ex audientia SSmi diei 17 Ia- nuarii 1883 obtinuit « constito de evidenti utilitate et fun- dorum hinc inde permutandorum libertate, reservato regressu, translatis etc. » Fieri autem non potuerunt transcriptiones bonorum in forma iuris, coram foro civili valida, favore com- mendae, quia politica praescriptio obstabat ; et ideo ab explenda hac conditione, quae ceteroquin imponi solet, comes fuit dispensatus.

Interim post aliquot alios annos comes, ob novas fami- liares necessitates, aes alienum contraxit, et creditor in cau- tionem hypothecam super omnibus familiae bonis imponi ius- sit; atque ita sub vinculo ipsa quoque commendae praedia inciderunt, licet de cetero reliqua familiae bona abunde ad crediti securitatem, prout asseritur, sufficerent.

Nunc vero, refert Ordinarius quod comes orator vellet aes alienum conficere, redimendum spatio 40 aut 50 annorum. Qua de re exorat ut cautio hypothecaria extendi possit etiam ad bona commendae, et ut absolutio sibi indulgeatur, quate- nus aliquam incurrerit poenam ob hypothecam super com- mendae bonis creditori assignatam ac permissam, quam rem tamen bona fide contigisse Ordinarius asseverat. Verum in audientia SSmi 2 Maii 1887 rescriptum fuit: « Prout pe- titur non expedire. >