414 ROMANA

ecclesias non teneri: » et iis quae decernit Innocentius c. 4 De ficleius.: « non teneatur conventus pro his aliquatenus respondere; nisi forte in utilitatem domus ipsius manifeste constiterit redundasse. » Et sane cum huiusmodi expensa- rum refectio alienationi bonorum beneficii aequiparari debeat, consequitur , praeter beneplacitum apostolicum, Ecclesiae necessitatem vel utilitatem requiri, quarum neutra iuxta verba Emi Vicarii et relata a capitulo, demonstrata videtur.

Verum dato etiam quod sumptuum, quos fecit canonicus Ciocchetti necessitas et utilitas in vado posita appareret, uon exinde forsan deducere fas esset, illum posse pecuniae summas a se solutas repetere. Docet enim Sancti, innixus cuidam resolutioni S. C. Episcoporum et Regularium diei 28 Aprilis 1865* quod « in praxi servatur norma superius posita, ita nempe, ut gravare censeantur ipsum beneficium et per consequens etiam successores solummodo ea debita quae con- tracta fuerint cum solemnitatibus iuris. » Praelect. lib. III tit. De solut. Cum itaque canonicus Ciocchetti omnia pro- prio marte egerit, videretur non posse cum damno beneficii •et successorum expensarum refectionem modo obtinere.

Hisce adductis propositum fuit diluendum

Dubium

An et in qua summa constet de credito canonici Cioc- chetti* ita ut locus sit eiusdem redintegratam super bonis beneficialibus in casu.

RESOLUTIO. Sacra C. Concilii, recognita, sub die 12 Se- ptembris 1 8 9 1 censuit respondere: Negative in omnibus et amplius.

Ex QUIBUS COLLIGES. I. Nisi gravissimae adsint causae, concedi non solere dotis beneficiorum imminutionem ; id enim habet odium iuris.

II. Ecclesiam non teneri ad solutionem debitorum, et ad refectionem expensarum, nisi evictum fuerit easdem fu- isse utiles et necessarias, et praecessisse beneplacitum apo- stolicum.