414 Appendix III.

S. Ambrosio scripto, memorantur nuptiae iussu Abrahae ab eius servo celebratae cum Rebecca nomine et favore Isaaci. Honorantur (ita enim ibi legitur) parentes Rebeccae muneri- bus, consulitur puella non de sponsalibus (illa enim iudicium expectat parentum, non est enim virginalis pudoris eligere maritum) sed iam desponsata viro de profectionis consulitur die, nec immerito dilationem non attulit. Iure enim prope- rar e debuit ad maritum etc.

1 6 . Verum inter caeteros iuris fontes potissimum est ha- bendum C. ix De procuratoribus in vi, ubi Bonifacius VIII, accuratissime describit v. g. conditiones, quibus pollere ac modus quo exerceri debet mandatum procuratorium ad ma- trimonium. Quem canonem tamen heic non excribimus, quum inferius singulas ipsius partes expendere debeamus.

17 . Quod pertingit ad doctorum auctoritatem, sufficiat unum alterumve tum ex theologorum tum ex canonistarum agmine citare. Sic v. g. inter theologos S. Alphonsus de Li- gorio ( Theol. Moral. L. vi, n. 885 commentando verba Bu- sembaum) apertissime edisserit de matrimonio per procura- torem necnon de condicionibus ad id requisitis. Inter vero canonistas Schmalzgrueber (Comm. in Decretai.) sub Tit. De sponsalibus n. 248 ad quaestionem: an matrimonium contrahi per procuratorem- possit? respondet: affirmative, nam ita ha- betur expresse cap. fin. de procurat, in VI, ex quo certum fit id licuisse saltem ante Tridentinum. Quae postrema verba ideo adhibuit Schmalgrueber, quia non defuerunt aliqui, qui falso prorsus, ut probabimus inferius, existimarunt Conc. Triden- tinum per caput Tametsi (C. i De Ref. Mat. Sess. xxiv) antiquam disciplinam mutasse.

18. Tandem quod spectat ad praxim coniugiorum per procuratores celebrandorum, de ea nobis testes sunt inter caeteros v. g. Gasparri De Matrim, v. 11, n. 834. Haec do- ctrina (quod nempe etiam post C. Trid. haec matrimonia sint legitima) confirmatur ex praxi Ecclesiae, quae haec ma- trimonia in forma Tridentina aliquando permittit. Itemque v. g. Ferraris, in sua Biblioth. Canon, ad verbum Matrimo-