BREVE 415

F. CARD. ASQUINIUS

etionem vero sextam post verba « Vigesima nona ianuarii » adiungi sequentia «et a Summo Pontifice Pio IX. ex Sacrorum Rituum Congregationis consulto , universalis Ecclesiae Doctor fuit declaratus. » Et hoc quoque Rescriptum memo- ratae Congregationis die XX. dicti mensis, et anni, ratum habuimus et eonfirma- vimus, atque ut super concessionibus omnibus, hac de re factis, Apostolicae Literae expedirentur, mandavimus. Quae cum ita sint, supradictorum Sanctae Ecclesiae Romanae Cardinalium, Antistitum, Collegiorum, Academiarum, ac fide- lium votis obsecuti, deque consilio memoratae Venerabilium Fratrum Nostrorum Sanctae Ecclesiae Romanae Cardinalium Congregationis sacris Ritibus cognoscen- dis praepositae , Auctoritate Nostra Apostolica, tenore praesentium, titulum Do- ctore in honorem Sancti Francisci Salesii Genevensis Episcopi ac Ordinis Sancti- monia! ium Beatae Mariae V. Visitationis Institutoris confirmamus, seu, quatenus opus sit, denuo ei tribuimus, impertimus, ita ut in universali Catholica Ecclesia, semper ipse Doctor habeatur, atque in die festo anniversario, cum a saeculari, tum a regulari Clero, celebrando Officium et Missam iuxta memoratum sacrorum Rituum Congregationis Decretum fiat. Praeterea eiusdem Doctoris libros, commen- taria, opera denique omnia, ut aliorum Ecclesiae Doctorum, non modo privatim, sed et publice in Gymnasiis, Academiis, Scholis, Collegiis, lectionibus, disputatio- nibus, interpretationibus, concionibus aliisque ecclesiasticis studiis, christianisque exercitationibus, citari, proferri, et prout res postulaverit adhiberi decernimus. Ut vero fidelium pietati in huius Doctoris die festo rite colendo , eiusque ope imploranda, excitameata adiiciantur, de Omnipotentis Dei misericordia, ac Bea- torum Petri et Pauli Apostolorum eius auctoritate confisi, omnibus, et singulis utriusque sexus Christifidelibus, qui die festo eiusdem Sancti Doctoris, aut uno ex septem diebus continuis immediate subsequentibus, uniuscuiusque Christifi- delis arbitrio sibi deligendo, vere poenitentes, et confessi, Sanctissimam Eucha- ristiam sumpserint, et quamlibet ex Ecclesiis Ordinis Sanctimonialium Visitationis Beatae Mariae Virginis devote visitaverint, ibique pro Christianorum Principum concordia, haeresum extirpatione, peccatorum conversione, et Sanctae Matris Ecclesiae exaltatione, pias ad Deum preces effuderint, plenariam omnium pec catorum suorum Indulgentiam, et remissionem misericorditer in Domino conce- dimus. Quapropter universis venerabilibus Fratribus Patriarchis, Primatibus, archiepiscopis, Episcopis, et dilectis filiis aliarum Ecclesiarum Praelatis, per Universum terrarum Orbem constitutis, per praesentes mandamus, ut quae su- perius sancita sunt, in suis Provinciis, Civitatibus, Ecclesiis, et Dioecesibus so- lemniter publicari, et ab omnibus personis Ecclesiasticis saecularibus, et quo- rumvis ordinum regularibus, ubique locorum et gentium, inviolabiliter, et per- petuo observari procurent. Haec praecipimus, et mandamus, non obstantibus Apostolicis , ac in Oecumenicis, Provincialibus, et Synodalibus Conciliis editis generalibus vel specialibus constitutionibus, et ordinationibus, ceterisque contra, riis quibuscumque;. Volumus autem, ut praeseotium Litera rum transumptis, seu exempli*, etiam impressis, manu alicuius Notarii publici subscriptis, et sigillo personae in Ecclesiastica dignitate constitutae munitis, eadem prorsus fides ad- hibeatur, quae adhiberetur ipsis praesentibus, si fuerint exhibitae, vel ostensae.

Datum Romae apud Sanctum Petrum sub annulo Piscatoris die XVI. Novem- bris MD:;CCLXXVII. Pontificatus Nostri anno Trigesimoseeundo.