416 Acta Apostolicae Sedis - Commentarium Officiale

SACKA CONGREGATIO RITUUM

Die 3 Octobris

PRO S. TERESIA A JESU INFANTE VIRG.

Lectio IX

Teresia a Jesu Infante, Alensónii in Gallia, ex honestis piisque paren- tibus orta est. Quinto aetatis anno, matre amissa, Dei providentiae se totam

commisit sub vigilantia amantissimi patris et sororum natu maiorum:

quibus magistris, ad curréndam perfectionis viam ut gigas exsultávit.

Novénnis virginibus ex Ordine Sancti Benedicti Lexóviis excolenda tra- ditur. Décimo aetatis anno, arcano et gravi morbo diu cruciata, ope Domi-

na nostrae a Victoria, divinitus fuit liberata. Angélico fervore repleta, ad

sacrum convivium primitus accedens, insatiábilem hujus cibi famem hau-

rire visa est. Carmelitarum Excalceatórum Ordinem ingredi cupiens, ob

aetatis defectum, multas ad religiosam vitam amplectendam nacta est

difficultates, quibus fortiter superatis, Lexoviénsem Carmelum, quin-

decim annos nata, feliciter ingressa est-, ibique eximia erga Deum et pro- ximum caritate flagrávit. Spiritualem infantiae viam, secundum Evan-

gelii doctrinam, secuta, alios, speciatim novitias, eamdem edócuit. Patiéndi desiderio infiammata, duobus ante obitum annis Dei miserentis amóri

se victimam obtulit. Viginti quatuor annos nata, die trigésima Septembris, anno millesimo octingentesimo nonagésimo séptimo, ad Sponsum evolavit.

Quam virtutibus et prodigiis claram Pius Papa Undecimus inter Beatas

virgines adscripsit, novisque fulgentem signis, recurrente máximo Jubi leo,

décimo sexto calendas Junias, solemniter Sanctorum fastis accensuit.

U R B I S ET ORBIS

Sanctissimus Dominus Noster Pius Papa X I , referente infrascripto

Domino Cardinali, Sacrae Rituum Congregationi Praefecto, suprascri-

ptam lectionem contractam, in festi S. Teresiae a Iesu Infante comme-

moratione recitandam, rite revisam approbavit et benigne concessit: ser-

vatis de cetero rubricis. Contrariis non obstantibus quibuscumque. Die

26 Octobris 1927.

A . C A R D . V I C O , Episc. Portuen. et S. Rufinae,

S. R. C. Praefectus. L. © S .

Angelus Mariani, Secretarius.