416

NOVARIEN, SEU IANUEN.

PENSIONIS

Die 23 Augusti 1895.

COMPENDIUM FACTI. Ad preces Patrum Congregationis Somaschae Domus Paroecialis S. Mariae Magdalenae in civi- tate Ianuensi an. 1842 a Gubernio Pedemontano ipsorum fa- vore decreta fuit pensio libellar. 1500 super reditibus Mensae Episcopalis Novariensis, firmata etiam Uteris Apostolicis Gregorii X V I cum clausula donec suae dotationi (conventus) aliter provisum fuerit. Haec pensio an. 1869 ad 500 libell, a S. Sede reducta semper persoluta fuit a Praedecessoribus Actualis Episcopi Novariensis. Verum hic suam sedem in- gressus, antequam ad solutionem deveniret, satius duxit ex- quirere a Patribus praefatae domus statum oeconomicum eorum Conventus ad diiudicandum utrum conditio resolutiva adiecta in uteris Apostolicis esset impleta. Datum respon- sum, utpote genericum Episcopo Novariensi non arrisit, qui tamen ad iurgia vitanda pensionem libell. 500 pro an. 1894 persolvit. At hoc decurso, initio nempe currentis anni Epi- scopus oblato recursu a S. Sede provisionem vel potius mo- derationem pensionis expostulavit; et partibus hinc inde au- ditis quaestio pro solutione remissa fuit plenariae Congr. Episcop. et Regul.

Disceptatio Synoptiea

IURA EPISCOPI NOVARIENSIS. Hic instat pro ulteriori pen- sionis reductione, primo quia reditus suae mensae magnam imminutionem passi sunt non solum a lege Conversionis Assis Ecclesiastici, sed etiam a lege abolitiva decimarum; ita ut mensae dotatio quae prius ascendebat ad libellas cen- tum millia, nunc reducta sit ad libellas 20,000 : hinc de- ducta congrua Tridentina, applicando Decretum Nuperrimis, pensio moderanda esset ad sextam partem, nempe ad annuas libellas 250. Quod fortius secundo fieri oportere contendit,