Bergomen. 417

in Audientia diei 23 novembris 1878 relatione, Sanctitas Sua

S. Congregationis resolutionem approbavit.

Datum Romae ex Secretaria S. Congregationis die et

anno ut supra.

A L . Card. OREGLIA A S. STEPHANO, Praefectus,

A. Panici, Secretarius.

Disceptatio synoptica.

ANIMADVERSIONES E X O F F I C I O . Etsi expediat ut via facilior

omnibus aperiatur fidelibus ad assequendam perinsignem Por-

tiunculae Indulgentiam, quae primitus nonnisi quam in Por-

tiunculae aedicula acquiri poterat ; tamen expedire etiam videtur

ut non adeo facilis et obvia huius Indulgentiae acquisitio red-

datur. Ita ut fideles illam consequi valeant eadem facilitate qua

ceterae Indulgentiae communiter acquiri solent.

Id innuere etiam videtur regula generalis adhiberi solita,

quoties de singulari aliquo beneficio, prout est Portiunculae

Indulgentia, elargiendo pertractatur. Ne in fidelium animis

idea srtaordinarii beneficii, quod accipiunt^ paullatim infirmetur,

et eiusdem recipiendi desiderium imminuatur, ob nimiam faci-

litatem.

Quapropter saltem servanda videtur norma, qua factum

est ut duae Ecclesiae, quae ad invicem non distant ultra millia-

rium, hoc privilegio ditari nequeant. Ex quo fit quod etiam

vitentur non paucae simultates et aemulationes enasci solitae,

quum duae proximae Ecclesiae huiusmodi ditantur privilegio.

A qua norma, extraordinarie eximuntur Ecclesiae Franciscales

per Breve Splendor paternae gloriae Gregorii XV.

VOTUM CONSULTORIS . Affirmativam elicit sententiam Consul-

tor innixus tum singulari huius Indulgentiae indoli, tum rationi,

qua RR. Pontifices usi sunt, extendendo illam indulgentiam ad

omnes Franciscales Ecclesias, et ad alias ad ordinem non per-

tinentes, tum praxi qua hic et nunc eadem extensio conceditur.

Acta, tom. XI, fase. CXXIX. 27