MATRIMONII 417

n. 7 » solum metum reverentialem* nisi minae* aut verbera aut alius metus gravis adiungatur* non cadere in virum constantem, ac proinde non annullare matrimonium.... Probatio ista in casu deest omnino, quia sola actricis cubicularia affirmât, aliquando minas a matre audivisse proferri. Alii proferuntur testes pro hisce obfirmandis minis; sed isti suam repetunt cognitionem vel a matre vel ab aliis. Prima inter alios venit mater; eius tamen depositio suspecta est ; quia-infausti matrimonii facta poenitens, omne studium impendit, ut filiae vota obsecundaret. In iure autem constitutum est, ut constante matrimonio, testimonium matris non attenditur contra coniugium sine plurium iuramento; ita in cap. 25 de testibus - matre asseverante ipsos esse consangui- neos.... si matrimonium est firmatum* non debet sine plurium iuramento dissolvi. - Alii vero testes referunt sese audivisse de his minis, sive a matre ipsa, sive ab aliis parentibus , et parum praecise referunt. Dum e contra minae debent examus- sim praecise et in specie, ac in suis circumstantiis designari Cosci de sep. th. 1 cap. 8 n. 6 « metus pro annullando ma- » trimonio non probatur per testes non concludentes de cir- » cumstantiis minarum. »

Ergo ex dictis eruitur quod illatio minarum ab una matris affirmatione derivatur. Ast matris testimonium pro nihilo ex iure habendum est, nisi adsit fides aliorum testium, de facto pro- prio deponendum contra matrimonium iam celebratum.

Quod si de minis constaret, ait vinculi defensor, alia deficit conditio, quod minas inferens solitus sit eas exequi, idest prout ait /. famosi ff. ad leg. iul. §. S - persona spectanda est an potuerit facere* et an ante quid fecerit. Et uti subdit Sánchez de matrim. I 4* disp. 2 n. 20 - « Similiter non sufficit ut » minans semel male tractaverit, quia unus actus hominis non » probat consuetudinem, sed exigitur saltem binus. » Atque in casu etsi omnes testes conclament quod minae a matre fuissent in executionem perducendae ; id inverosimile videtur , attenta charitate et humanitate matris, et ex alia parte docilítate filiae; et attento etiam quod nullum exemplum de ista exequendi mi- nas consuetudine proferatur.

Acta, Tom. III, fase. O XL. '27