MATRIMONII 417

constare de «nullitate matrimonii ceu videre est in Verulana 5 Iulii 1856 et in Pisauren. 22 Maii 1875: in quibus idem responsum prodiit, licet utriusque sponsi iurata ades- set confessio. (1)

Post haec ad secundam disquisitionem descendens, prae- primis adnotare existimavit, testes tales minime esse debere, ut factum de visu agnitum referant, quandoquidem accidere extraordinario potest, quod in fragranti amasii deprehendan- tur. Sed eos testes a iure requiri evidens es t , qui circa in- dicia vel circumstantias ita referant, ut per inductionem actus comprobetur; indicia vero huiusmodi esse debere et talibus circumstantiis suffulta, ut carnalem commixtionem de vincant. Quam carnalem commixtionem nullo modo argui posse contendit ex reliquis indiciis ordinariis et remotis, quae inhonestae amicitiae suspicionem ingerunt, sed actum car- nalem perfectum intercessisse profecto non probant. Quan- doquidem quotidiana experientia docet, plures amasios repe- riri, qui spe ad actum habendum vivunt, sed invicem fru- strantur, licet ab obscoenis sese non abstineant. Quaenam autem indicia violenta ad perfectam copulam demonstran- dam acta dicantur, deduci posse ait Ex cap. litteris 12 de praesumat, ubi traditur esse grave indicium quando nudus •cum nuda, solus cum sola secretis locis et latebris, ad hoc commodis et locis celatis, reperiatur. Quapropter testium depositiones importare dicuntur gravem praesumptionem, si viderint nudum cum nuda vel solam cum solo; ita tradunt omnes Doctores et praesertim Cosci lib. II cap. 2, n. 29, Barbosa in Collect, doct., Ursaia in tom. III part. 2 Dis- cept. 9 n. 26.

Quin obiiciatur theoria ex Ala desumpta, quae leviora signa ad probationem constituendam de facto admittere vi- detur; quandoquidem in genere de criminibus carnis loqui- tur, haud vero de copula ad impedimentum gignendum .habita.

(1) Pisauren. in qua reperies quaestionem huic consimilem, relata fuit Vo l .VIII pag. 630 har. ephem.

Áitn. 'tom. XV,fase. CLXXV1I. 27