418 Bergomen.

Quoad primum, ait Consultor, indolem Indulgentiae a Por-

tiuncula appellatae erui patenter ex mente S. Francisci, Qui

quum a Christo obtinuisset ut plenariam consequerentur indul-

gentiam, omnes fideles qui Ecclesiam S. Mariae Angelorum

ingressi fuerint, petiit hanc gratiam, iussu Christi ipsius, ab

Honorio III Summo Pontifice. Rogatus autem Franciscus ab

Honorio quo annorum numero Indulgentiam vellet coarctari,

nolo, respondit iste, annos, sed animas. Ex quo facile eruitur

eius fuisse desiderium, ut omnes fideles singulare huiusmodi

donum obtinerent. Quod etiam colligitur ex aliis eiusdem

sancti verbis,-in promulgatione huius Indulgentiae prolatis :

Ego volo vos in paradisum ire universos ». Et re quidem vera,

quamvis ad unum diem (2 augusti) coarctata fuerit Indulgentia,

tamen poterant fideles eamdem lucrari, quoties, eo die, memo-

ratam visitassent Ecclesiam.

Quoad secundum, observavit Consultor, tantam gratiam

extendisse Romanos Pontifices, Honorii successores ad alias

ecclesias quamplurimas. Ex quibus concessionibus elucet eam

fuisse in Romana Ecclesia persuasionem, ut singularis, huius-

modi favor, in omnium fidelium bonum a Christo elargitus,

facilior universis redderetur. Haec omnia a praxi Romanae

Ecclesiae confirmantur. Romae enim plures sunt Ecclesiae,

quae hac gaudent Indulgentia, et nec ab Ecclesiis Francisca-

lium, nec ab aliis quae ad Ordinem non spectant, unius mil-

liarii spatio distant; ac si quoad primas dici posset dispen-

sationem expressam intercessisse, quoad alias certe nulla

distantiae mentio fit. Accidit communiter in Secretaria Brevium

Litteras Apostolicas expedire pro Ecclesiis, quae non sunt

Ordinis Minorum, in quibus licet clausula apponatur circa

distantiam ab Ecclesiis Franciscalium, nulla prorsus mentio fit

distantiae ab aliis Ecclesiis, quae ad Ordinem non spectant.

Et clausula, « dummodo nulla ea loci extet vel saltem unius

militaris spatio distet Franciscalis Ordinis Ecclesia », ponitur

ea de causa, ut privilegium Ordinis cui primum singularis haec

indulgentia concessa est integrum servetur.