418 PRATEN.

servatus. Putavit autem Episcopus, etsi laici adessent in exercitio iurispatronatus, hac vice beneficii provisionem ad S. Sedem ratione mensis spectare, adeoque sibi nil aliud esse faciendum quam publicum concursum indicere ad formam const. Pastoralis officii Benedicti XIII.

Verum aiebat semel et iterum per publicum edictum vo- catos fuisse ad concursum sacerdotes requisita habentes a sacris canonibus et a pio fundatore volita, sed bis concur- sum desertum permansisse. Quod cum tribuendum videretur difficultati inveniendi sacerdotem tot iis qualitatibus a iure et a pio fundatore volitis instructum, hinc idem Praesul Emum S. O. G. Praefectum deprecabatur, ut dignaretur de- clarare an Ordinarius facere queat dictam ternam ex sacer- dotibus, nondum aetatem conciliarem attingentibus, aut laurea doctorali carentibus; et an designationem per capitulum fa- ctam unius ex dictis, excipi possit favorabiliter a sede Apo- stolica.

His habitis die 3 Decembris 1887, vigore specialium fa- cultatum a SSmo S. C. C. tributarum ita rescriptum est: € quatenus haberi non possit qui necessariis a iure requisitis sit praeditus, pro facultate praesentandi magis idoneos, ar- bitrio et conscientiae Episcopi. »

Hoc utens indulto Ordinarius tres sacerdotes capitulo praesentavit, ut inter eos unus iuxta fundationis tabulas eli- geretur ; sed nemo ex tribus candidatis pluralitatem obtinuit votorum. Sciendum namque est ex peculiari huius capituli lege ad r ab. 5 pag. 9 const. praescriptum esse « quod res et negotia ad dignitates et canonicos per se in solidum per- tinentia et spectantia per duas partes ex tribus ipsorum sic vocatorum et praesentium pertractentur et concedantur. » Sunt autem ex canonicis quidam qui sustinent hanc regulam sequendam quoque esse in poenitentiariae provisione ; dum alii praedicant ex bulla erectionis maiora tantummodo suf- fragia ad poenitentiarium eligendum praescribi, ideoque duas suffragiorum partes non requiri. Quidquid sit ex praesentatis nemo nedum duas partes, sed ne maioritatem quidem voto-