418 EX S. G. RITUUM

rium annorum spatio, quibus sic est exercita, unquam ab angeH- cae virtutis amore studioque discessit, tamen, ut ab eius generis pugna victrix evaderet, certe debuit imbecillitatem suam imprimis agnoscere, divinamque opem perquam humiliter implorare ; quare sensim eam contumaciam elationemque animi, cui natura nonnihil indulgebat, comprimi necesse erat.

Ad tentationum sollicitudines molestissimi accesserunt con- scientiae scrupuli, qui misere eam torquebant. Ut, quibus obruta erat mentis tenebris lumen consilii quaereret, ad Confessarios con- fugere consueverat; at unde solatium iure expectabat, inde nihilo quietior redibat. Confessionis enim causa cum ad sodales Oratorii una cum matre ventitaret, ex his et ipsa quempiam sibi Confes- sarium elegerat, neque alio audebat, ne displiceret matri, divertere. Sed Oratorium Salmuriense his temporibus Iansenistarum veneno imbutum, haud magno poterat esse usui fidelibus, ut quam expe- tiissent, animi pacem recuperarent.

Interea moritur mater. Ipsa cum iam posset suo arbitratu vi- tam exigere, (pater enim iampridem decesserat) nihil tam discu- piens quam tranquilla conscientia frui, relictis Oratorii sodalibus, ad quemdam sanctis moribus sacerdotem, Grennettau cognomine, adiit eumque obsecravit, vellet spiritus sui moderationem suscipere. Annuit ille, modo tamen Ioanna, uti facere consueverat, commercio na vacaret diebus festis. Erat ea quidem admodum molesta con- ditio : cum enim minuta plebs reliquo tempore agriculturae aut opificiis addicta, Dominicis festisque oppidum celebraret frequen- tior, spemque faceret maioris quaestus, mos erat etiam proborum ut his quoque diebus negotiarentur. Attamen Dei Famula haud aegre sacerdoti obtemperavit ; maluitque non exiguam rei familiaris iacturam pati, quam impedimentum aliquod divinae gratiae obii- cere. Tum vitae totius noxas cum abluisset sacramento, veniam obtinuit tres in hebdomada dies esuriali ritu transigendi ac alios poenitentiae voluntarios cruciatus assumendi.

Itaque novi Confessarii monitis iussisque religiose obsecuta, brevi residentibus animi procellis mitigatisque angoribus conscien- tiae primitus post diuturnam luctam conquiescere visa est. At vero quietem huiusmodi iam novum excipit pugnae genus, novisque ten- tationibus Ioanna exercetur : ita Deo permittente ut suis aliquando expurgata vitiis admirabilem sanctimoniae candorem indueret. Nam praeter eam, quam diximus, inanis gloriolae appetitionem, naturale erat in D. S. quoddam parsimoniae studium, quod non multum ab