4 i 8 Appendix III.

pserunt, adeo ut hodie nullus, quod sciamus, contrariae sen- tentiae, quae propterea ut prorsus antiquata et falsa est aesti- manda, adhaereat.

3 1 . Sic v. g. Gasparri De matr. v. 11, n. 834 : Communis sententia est hoc ius adhuc vigere, et matrimonium per pro- curatorem servatis hisce condicionibus (seu condicionibus de qui- bus cavet Bonif. VIII) contrahi posse etiam Tridentino urgente decreto, quia Conc. Trid. nihil in hac re immutavit. Itemque v. g. Feije : De imped. et disp. matr. n. 300: Certum est posse matrimonium, servatis servandis, contrahi per procuratorem.

32. Quod si quis praeter doctorum auctoritatem alia argu- menta sive extrinseca, sive intrinseca exquirat ad probandam sententiae aifirmantis veritatem, respondebimus nec illa nec ista deesse.

33. Reapse S. Congr. Concilii et Rota pluries ut rata et legitima habuerunt matrimonia celebrata per procuratorem post Conc. Trid. Sic v. g. Riganti in Comment, ad Reg. XLV Cancell. Apóstol, refert S. C. C. die 7 Maii 1701 validum habuisse matrimonium Ioannis Baptistae Piccino cum Anna Rollo, per procur. celebratum, et Rotam in Neapolitana Ma- trim, die 18 Iunii 1703 coram. Ansaldo item matrim, quoddam per procuratorem initum validum declarasse.

34. Recentioribus autem temporibus, eadem S. C. Conc. die 7 Apr. 1883 proposita in secunda instantia causa matri- monii celebrati per procur. inter Leonem et Eleonoram, ad dubium: An sententia Curiae Arch. Neapolit. (quae edixerat constare de validitate) sit confirmanda vel infirmanda in casu, respondit: Sententiam esse confirmandam.

35. Nihil autem mirum quod hodie et schola et forum ut prorsus certam admittant legitimitatem coniugiorum per procuratorem etiam post Conc. Tridentinum. Nam Conc. Trident, solum reprobavit matrimonia clandestina, seu non celebrata coram parocho et testibus; idque ad tollenda gra- vissima incommoda, quae ex clandestinis coniugiis orieban- tur. Verum nemo sanae mentis serio dixerit matrimonium, celebratum quidem per procuratorem at coram parocho et