EX S. G. RITUUM 419

avaritiae sorde distare videbatur. Hac via institit maius daemon tentare, ut, aucta vel pecuniae aviditate, vel inopiae formidine, restrictiorem eam faceret in christianae misericordiae officia. Ne- que negandum est, rem quadamtenus ex sollicitatoris sententia suc- cessisse. Maxime ex quo, defuncta matre, simul cum nepte vivere Ioanna coepit, et per se tabernam habere, plus aequo et parcebat sumptibus, et pauperculorum solatio deerat: adeo ut anno MJDCXCIII quo summa urgebat annonae caritas, tantum sibi panis compararet quod in singulos dies esset satis, haud amplius; idque faciebat ea mente, ut sine mendacio posset egenos, si qui, rogassent, inanes dimittere.

Sed non post multo (ait Maria L aigle, quae fuit ex primis D. S. sodalibus), ignem avaritiae extinctum supplevit charitatis ardor, mirabilisque est in Ioanna vitae facta conversio. Eo quo diximus anno, paupercula quaedam vidua Rhedonensis, nomine Francisca Souchet, in Epiphania Domini venit Salmurium peregre, ut solebat pietatis causa, ut cultam magna religione imaginem Beatae Vir- ginis veneraretur. Haec cum vellet apud Ioannam divertere quippe inops et egena non impetravit hospitium: at cum rediisset sub festum Pentecostes, idemque a D. S. postulasset, tandem recepta <est. Quod charitatis officium hospitae saluti fuit. Nam ut erat pia vidua Dei plena spiritu et promovendae sanctimoniae studiosa, ubi primum sensit Ioannam rebus caducis tenacius adhaerescere, im- pulsu plane divino coepit mundi contemptum in eam et pauperta- tis caritatisque amorem hortando monendoque instillare. Huius illa sermonibus incensa, statim vitae institutum mutavit, et quae adhuc nimio inopiae metu tenebatur quominus egentibus benigne faceret, iam tum in maternum divinae providentiae sinum omni sua ipsius abiecta cura, splendidum libéralitatis et misericordiae fuit exemplum.

Itaque relicta nepti procuratione tabernulae, ipsa ad afflictos omne genus solandos se contulit; quibus tam effuse de suo elar- giebatur, ut cuidam Christi nomine petenti, a quo sciebat egesta- tem simulari, opem non denegaverit. Sanctae admonitu viduae cum accepisset in suburbano S. Florentii esse certas familias omni hu- mana destitutas ope, mox, ni subventum esset, fame perituras, magno animo libentique ad squalida mapalia accurrit auxilio. Tres menses quotidie cum illuc rediret, nudos de suis etiam vestibus ope- ruit, famélicos abunde recreavit, ipsorum lintea etsi tam foeda ut vermibus scaterent, per se lavit ; omni denique misericordiae modo