420 NOVARIEN.

ptum P. Generalis Minorum die 26 Novembris eiusdem anni rite executus est.

Interea vacante per resignationem titularis Iosephi Uga- zio in manibus Episcopi paroeciae Insulae Superioris nomi- nationis popularis in dioecesi Novariensi, ad eam praesentatus fuit a patronis dictus religiosus. Hic autem, quoniam Epi- scopus ad institutionem dandam promptus erat, sub die 21 Februarii 1888 ab eadem S. Congregatione obtinuit indultum saecularizationis perpetuae Ordinario Novariensi remissum ad hoc, ut constito sibi, Oratorem de congruo patrimonio vel de alia sufficienti substentatione esse provisum, exclusa civili pensione, ipsi licentiam concedere valeat manendi extra claustra, habitu regulari dimisso, quoad vixerit: ita tamen ut substantialia votorum, quatenus feri poterit, observet; habitus religiosi memoriale signum intrinsecus deferat. Or- dinario loci subsit in vim quoque solemnis obedientiae voti. Valeat insuper idem Ordinarius post praesentis decreti exe- cutionem (intra tres menses sub poena nullitatis faciendam) ipsum Oratorem habilitare ad unum tantum beneficium ecclesiasticum canonice assequendum ac retinendum nomine S. Sedis, titulo administrationis, etiam residentiale vel cum animarum cura, super quo eiusdem Ordinarii oneratur conscientia. Hoc obtento indulto ex-religiosus Fazio die 28 Martii 1888 literas institutionis canonicae habuit in beneficio paroeciali Insulae Superioris, sub titulo S. Victoris in Ver- bano Lacu, in quibus edicebatur ipsum incorporatum esse vi relati rescripti dioecesi Novariensi. Attamen ipse timens ne pensionem amitteret quam uti religiosus a Gubernio per- cipiebat, neglexit accipere possessionem, tum canonicam, tum civilem paroeciae, quin imo Uteris diei 27 Maii eiusdem anni valedixit iam obtento R. Placito.

Elapsis sex annis ex-religiosus Fazio vadatus fuit ante Curiam Episcopalem, et nonnullis subiectus interrogatoriis. Post quae eadem Curia, attendens quod resignatio parochi Ugazio publicata non fuerat ad tramites Constitut. Humano vix iudicio Gregorii XIII, sententia diei 15 Decembris 1894