FUNERUM ET EMOLUMENTORUM. 42i

D u b i a .

I. An et cui ius competat comitandi cadavera ab Ecclesiis Regularium, quo collata fuere ad explenda funebria, ad com- mune coemeterium, ubi sepeliri debent.

I I . An Parochi ius habeant percipiendi emolumenta, quae ab haeredibus dantur Sacerdoti ista comitanti cadavera ad coe- meterium.

I I I . An Religiosi in associatione cadaverum, de quibus a- gitur, accersere debeant Parochum pro comitandis defunctis ad coemeterium.

IV. An Regulares incedere possint cum Stola et Cruce con- ventuali usque ad sepulchrum, sive autem utrumque signum de- ponere debeant in transitu per paroecias, resumendum postea in coemeterio ?

RESOLUTIO. Sacra Congr. Ep. et Reg. sub die 17 Septem- bris 1 8 8 0 , re discussa, censuit respondere.

Ad I Affirmative favore Regularium. Ad I I . Negative. Ad II I . Negative.

Ad IV. Affirmative ad primam partem, negative ad secun- dam sine pompa et recto tramile.

Ex QUIBUS COLLIGES :

I. Ex lege quae iussit cadavera esse tumulanda apud pu- blica coemeteria, pro nihilo derogatum fuisse iuri quo ecclesiae potiuntur, tum funeris peragendi , tum emolumentorum perci- piendorum.

I I I . Hinc, ut alias innuimus, ex erectione coemeteriorum , locum sepulturae tantum materialiter immutatum fuisse, iura vero omnia sarta tectaque mansisse.

I I I . Ideoque si ex civili dispositione, cadaveris depositio in Ecclesiis praepedita fuerit, funebris autem eius deductio et ex- positio cum aliis parentalium actis illaesa manserunt.