422 Acta Apostolicae Sedis. - Commentarium Officiale.

« consideravit Rota in decisionibus Montis Regalis, Iurisdictionis 69 et

« 121, Part. I, recent, et ex textu in I. s. ff. de iurisdictione omnium iudi-

« cum voluit ».

Et in Decis. 7 aut 6 coram Molines docetur: « cum inter se com-

« patiantur simulque stare possint Ecclesiam esse saecularem et pro-

« prium saecularem Rectorem habere inibi curam animarum exercentem

« et nihilo minus officiari et divinum cultum in ea a Regularibus haberi,

« ut advertit Card. De Luca, de Reg. discept. 64, n. 4, et punctualiter

«in disc. 30, n. 3 et 4, de iurisdict. ubi optimum proponit exemplum

« plurium Ecclesiarum Titularium S. R. E. Cardinalium, quae earum

« antiquo statu et qualitate retentis precario retinentur et officiantur a

« Regularibus..... prouti etiam exploratum habemus nullam involgere repu-

« gnantiam quod Ecclesia parochialis erigatur in collegium et nihilo mi-

« nus cura in ipsum non transferatur sed exercibilis remaneat in eadem

« Ecclesia per eum, qui illam antea habebat ». Et ibi citatur Decisio 125,

P. XIX, recent, qua resolutum fuit constare de bono iure curatorum in

Ecclesia parochiali S. Babylae dioecesi Mediolanen., quamvis haec Ec-

clesia erecta fuerit in Collegiatam. Cum enim Praepositus et Canonici

vellent sibi arrogare nonnulla munera antea spectantia ad Curatos, hi

victores e iudicio discesserunt quum demonstraverint, ex Bulla erectio-

nis Collegiatae, per expressam voluntatem Pontificis Sixti V eorum'

praebendas et munera fuisse penitus conservata in eodem statu ut prius;

unde conclusum fuit, hos Curatos curam habere animarum « ut prius, et

ad eos spectare totale et integrum curae animarum ministerium cum

iuribus et emolumentis parochialibus »; ita sub n. 2 et n. 24 redditur ratio:

« iuri non repugnat quod Ecclesia parochialis erigatur in Collegium et

nihilominus cura non transferatur in Dignitatem aut Collegium sed rema-

neat penes eum, qui illam antea habebat ». Eadem principia disertissime

explicat et confirmat Decis. 103, Part. XIX, recent, et docet Corradus, Pra-

xis benef., lib. 2, cap. 2, n. 50. In casu nostro cum Ecclesia parochialis

erecta fuit in Cathedralem, utique facta est mutatio in statu paroeciae

cum haec unita fuerit Canonico Archipresbytero; sed Paulus V res in

pristinum restituit, dissoluta quacumque unione parochiarum cum prae¬

bendis canonicalibus, unde parochiae effectae sunt liberae et a Capi-

tulo et singulis canonicis independentes. Et in hodiernum statum prae-

bendae parochialis in Ecclesia Cathedrali quadrant adamussim principia,

quae recoluimus.

Firmata vero libertate et independentia parochi in Ecclesia Cathe-

drali relate ad Capitulum quoad integrum ministerium curae parochialis,

consequitur usum Ecclesiae Cathedralis utrique competere, prouti