420. De sancto Saviniano.

1. Exsultet omne saeculum
Trophaea pangens martyrum,
Qui daemonum tyrannidem
Vicere Christo principe.

2. Quos inter almus pontifex
Savinianus nobili
Micat triumpho gloriae
Crucis ferens signaculum.

3. Quem Petrus huc apostolus
Direxit, ut per Gallias
Verbi superni spicula
Arcu fidei promeret.

4. Hujus ducatum protinus
Christi sequuntur milites,
Potentianus inclitus,
Altinus aeque nobilis.

5. Hos Roma mittit aurea,
Hos vertit unus spiritus,
Sustulit hos victoriae
Spes semper invictissima.

6. Dei gerentes proelia
Virtute freti coeliea
Vincunt ministros daemonum,
Plebes fovent fidelium.

7. Tandem repletam civibus
Urbem pergyrant Senonum,
Quae forte tune multiplici
Cultu cluebat minimum.

8. Ignara prorsus unius
Veri Dei, qui saecula
Verbo creavit ac suo
Gubernat astra spiritu.

9. Hac immorantes dogmata
Verbi sacrata ducibus
Edunt, simul virtutibus
Haec approbant insignibus.
10. Tenore sicque duplici
Errore plebem liberant,
Unum Deum veracibus
Dictis fatentes et rebus.
11. Fallax ut in primordio
Anguis veternus improbos
Ad persequendum suscitat
Christi pios mox milites.

12. Gaudent ad haec promptissimi
Testes Dei fortissimi,
Amoris cujus omnium
Calcant minas discriminum.

13. Libenter ad certamina
Currunt beati martyres,
Pugnando qui per sanguinem
Sumpsere palmam gloriae.

14. Laetantur in coelestibus
Carnis solutis vinculis,
Agnum sequuntur candidum
Novumque cantant canticum.

15. Horum precatu, quaesumus,
Absolve nos reatibus,
Horam frui consortio
Praesta, Deus, per saecula.