Acta Pii Pp. XI 423

Luciana in instanti fuit perfecte sanata, et illico quae numquam ve l

stare potuerat, deambulavit. Miraculum alterum, eiusdem Beati Andreae

patrocinio a Deo in Tafalla, dioecesis Pampilonensis oppido, patratum

dicebatur. Soror Generosa a SS. Trinitate, Emmanuelis et Mariae Olivan

filia, e Parvularum Sororum pro derelictis senibus adiuvandis Congrega-

tione, usque ad decimum nonum suae aetatis annum bene valuit; ab anno

vero millesimo nongentesimo tertiodecimo usque ad subsequentem vice-

simum sextum annum varie crebroque fuit morbo tentata; a Novembri

autem mense eiusdem anni ad insequentis anni labentem Ianuarium

mensem graviter decubuit ac in vitae discrimen venit. Iuxta medicorum

diagnosim illa cholelithiasi laborabat, ex qua cholecistites cum suppura-

t o n e exorta est; cui morbo plures variisque ex viis haemorrhagiae, subcu-

taneae quoque, adiungebantur. Die vicesima nona mensis Ianuarii, anno

millesimo nongentesimo vigesimo septimo, infirma ad mortis statum iam

proxima videbatur. Verum Soror Generosa, imposita sibi, circa huius diei

horam nonam et semis, subucula, quae Podii B. Andreae Huberti sepulcro

fuerat admota, levamen primum persensit; hora autem undecima, omnia

morbi symptomata evanuisse animadvertit, ac protinus se perfecte sana-

tam sentiens e lectulo surrexit, cibos Communitatis sumpsit et, stupente

medico ac mirantibus omnibus, ipsa ex illo istanti ad pristina sui Instituti

officia rediit, quasi numquam infirma fuisset. De primo proposito miraculo

Pictavii, dé altero vero Pampilone processus Apostolica auctoritate sunt

adornati, eorumque validitate recognita, die decima octava mensis Iulii

anno millesimo nongentesimo undetricesimo editum est decretum; servatis

autem omnibus de iure servandis, ac trium peritorum officialium praeha-

bi to favorabili voto, de utraque sanatione supra naturae leges habita,

•coram dilecto filio Nostro Alexandro S. B. E. Cardinale Verde, Causae

huius Ponente seu Eelatore, in congregatione antepraeparatoria et praepa-

ratoria quas vocant disceptatum est, atque statutum ut sanati puellae

Xiucianae Blanchard cruris tabulae radiographicae fierent; et de sanatae

Sororis Generosae valetudinis statu nova perageretur inspectio. Qua a

duobus peritis physicis accuratissime perhabita, optima huius Sororis

valetudo est comprobata. Quo vero nitidiore etiam luce miraculi fulgor

ab omni vel tenui umbra vindicaretur, a tribus a S. Rituum Congregatione

adlectis peritis, tum singillatim tum collegialiter, votum est datum, quod

unanimi consensu miraculi notam in casu plenissime confirmavit. Tabulae

quoque radiographicae quas supra diximus peractae, perfectam et perse-

verantem Lucianae Blanchard puellae sanationem pariter comprobarunt«

Quapropter omnibus his exquisitissimis praehabitis diligentiis, generaba

•comitia coram Nobis, die octava mensis Novembris praeteriti anni sunt

habita, in quibus a Causae Ponente seu Relatore dubium est propositum: