4M Acta Apostolicae Sedis - Commentarium Officiale

An et de quibus miraculis post indultam Beato Andreae "Ruberto Fournet

venerationem constet in casu et ad effectum de quo agitur. Venerabiles fra-

tres Cardinales ac dilecti filii Officiales Praelati et Consultores suam quis-

que ediderant sententiam, quam Nos intento animo aucUvimus. Nostrum

tamen edere iudicium distulimus, ut Nobis ceterisque temporis copia

esset a Deo mgeminatis precibus maioris luminis gratiam impetrandi.

Die tandem Novembris vicesima insequenti, coram dilectis filiis Nostris

Camillo S. R. E. Cardinale Laurenti et Alexandro Cardinale Verde, Causae

Relatore, nec non dilectis filiis Alfonso Carinci, eiusdem S. Rituum Con-

gregationis a Secretis, et Salvatore Natucci, S. Fidei Promotore generali,

plene constare ediximus de duobus miraculis, Beato Andrea Huberto

Fournet intercedente, a Deo patratis scilicet: Instantaneae perfectaeque

sanationis puellae Lucianae Blanchard a genu valgo dextero cum tibiae dex-

terae et pedis dexteri distorsione ex rachitismo; nec non Instantaneae perfec-

taeque sanationis Sororis Generosae Olivan a cholelithiasi cum cholecistite

et haematemesi coniuncta. Quod quidem Decretum publici iuris fieri et in

SS. Rituum Congregationis acta referri mandavimus. Item, praefata ser-

vata forma, die octava Ianuam mensis decurrentis anni, Dominica infra

octavam Epiphaniae Domini, S. Familiae Iesu, Mariae, Ioseph celebran-

dae sacra, Eucharistica Hostia litata, coram iisdem praefatis Cardinalibus

atque S. Rituum Congregationis a Secretis et S. Fidei Promotore,

approbatione stante duorum miraculorum post indultam Beato Andreae

Huberto Fournet venerationem, « tuto » procedi posse ad solemnem eius

Canonizationem pronunciavimus; et hoc quoque decretum in vulgus edi

et in S. Rituum Congregationis tabularium referri iussimus. Quibus omni-

bus itaque peractis, ut constitutus a Decessoribus Nostris in tanto negotii

ordo servaretur, primum quidem venerabiles fratres Nostros S. R. E. Car-

dinales, die tertiadecima proxime elapsi mensis Martii, apud Nos in Con-

sistorium secretum convocavimus; in quo de Beati Andreae Huberti Causa

per dilectum filium Nostrum Camillum Cardinalem Laurenti, S. Rituum

Congregationis Praefectum, relatione praehabita, atque universis per eum

recensitis actis, quae in eadem Causa ipsa Sacra Rituum Congregatio,

praevio rigoroso examine, admisit et approbavit, Nos singulorum suffra-

gium exquisivimus atque excepimus; ac suam iidem Cardinales sententiam

aperuerunt: ad sollemnem nempe praefati Beati Canonizationem esse deve-

niendum. In Consistorio autem publico, quod die sextadecima eiusdem

mensis Martii, in Ss. Processi et Martiniani navi Basilicae Vaticanae ha-

buimus, dilectus filius Augustinus Schmid, Consistorialis Aulae Nostrae

Advocatus, de eodem Beato Andrea Huberto orationem dixit et pro illius

Canonizatione de more institit; Nos vero, etsi Beato illi summos trium-

phantis Ecclesiae decernere honores avere dixerimus, cum de eximio