424

EX S. CONGREGATIONE RITUUM DECRETUM

Corduben. Canonizationis Bsati Ioannis Baptistae a Conceptione Fundatoris Ordinis exealcsatorum Sanctissimae Trinitatis Redem- tionis captivorum.

SUPER DUBIO

« An constet de instantánea perfectaque sanatione Paschalis Gas-

barri a phthisi pulmonali in casu et ad effectum de quo agitur Ì »

Arctam mandatorum Domini viam , quae ducit ad vitam, beatus Ioannes Baptista a Conceptione a prima ingressus adole- scentia , dilatante cor Spiritus Sancti gratia, feliciter cucurrit in Ordine Sanctissimae Trinitatis Redemptionis Captivorum. Cum vero Christi caritas suo iugiter diffunderetur in corde, ut vita Iesu suo etiam manifestaretur in corpore, poenitentiae austeri- tatem vitae innocentia coniurigens, severiorem disciplinam ac paupertatem inter confratres quoque restituendam suscepit, plu- raque rigidioris observantiae coenobia instituit. Impletum inde quod Sancta Teresia novennem eum intuita praenuntiaverat : futurum scilicet sanctum insignisque familiae Patrem. Postquam itaque accuratissimo examine iuxta canonicas constitutiones de virtutum eius praestantia, ac miraculis eo intercedente a Deo patratis constitisset, Venerabilem Ioannem Baptistam solemni Decreto sa. me. Pius VII anno MDCCCXIX ad Beatitatis hono- rem provexit. Novis vero signis post eius beatificationis solemnia Deus servum illustrare dignatus est. Interea Postulatores sa- crae Rituum Congregationi discutiendam proposuere sanationem, quam, intercessore Beato Ioanne Baptista , obtinuit Paschalis Gasbarri e castro Sancti Petri Praenestinae Dioeceseos mense Iunio anno MDCCCLXIV. Hic enim phthisi pulmonali iamdiu tabescens, a medicis iam deploratus, cum animam ageret , in- vocata Ioannis Baptistae ope , e mortis faucibus quodammodo eripitur , ac illico sanatus ita perfecte e s t , ut postero die ad campestrium laborum exercitium alacriter redierit. Primo itaque de huiusmodi prodigiosa sanatione actum est in antepraepara-