424 DAMASCENA

puentes et Frater Ioannes Iacobus Fernandez. Primus e Valentina Hispalensi Provincia anno 1812 exortus, decimo nono aetatis anno Minorum s. Francisci habitum indutus est. Dein anno 1843 in Ter- ram Sanctam profectus in pluribus sui Ordinis coenobiis maximam perfectionis famam adeptus-est. Postquam aliquot annos Hierosoly- mae moratus esset, in Damascenum monasterium translatus glorio- sum ibi funus oppetiit. Alter vero anno 1808 vitales auras ingressus, vix pubes effectus, ad religiosa Minorum claustra volavit. Statim se cupidum ostendit religiosam Palestinae missionem inserviendi ; ve- rum nonnisi anno 1859 voti compos effectus est. Summa cum pietate veneranda religionis nostrae monumenta invisit', dein Damasceni coenobii famulatui destinatus, inibi propter eximiam pietatem hu- militatemque maximam omnibus acceptus erat, cum in ea funestis- sima christianorum clade martyrii corona exornatus fuit.

Disceptatio Synoptica.

De Martyrii probatione. - Iamvero in odium fidei gloriosos martyres occubuisse probat superius descripta persecutionis imnia- nitas, cuius nulla rationabilis causa inveniri potest, nisi invetera- tum MahumetanorUm in Christi fideles odium , eorumque innata barbaries. Etenim testes unanimi consensu Drusos Mahumetanosque iniustae cladis auctores vocant. Quod quidem ex ipsa, qua processit, inhumanitate in patulo fit. Infensissimi enim Christianae fidei ho- stes in religionis contemptu cruces canum cervicibus appendebant Christianos ad eas pedibus proterendas cogentes. Aliud argumentum ad id ostendendum desumitur ex minis ac blanditiis quibus barbari Christianos ad Mahumetis religionem amplectendam adducere conati sunt. Quapropter religiosi viri e Franciscana familia , antequam tam diro funere necarentur, a persecutoribus ad apostasiam hortati sunt ; cum autem constantes in catholicae fidei confessione mansis- sent, fustibus, saxis, gladioque vulnerati perierunt. Ceteri autem testes interrogationes martyribus a Mahumetanis factas invictasque eorum responsiones recensent.

Quis autem verbis describere posset, quam praeclara fuerit eo- rum mors? Incaeperat iam dira caedes, armorum sonitus saevique barbarorum clamores glorioso victimarum sanguine miscebantur. Religiosi autem viri Ecclesiam adeuntes ferventes Domino preces fundunt , praesentibusque ad constantiam incitatis, sacramentalem absolutionem impertiunt, eisque SSiha Eucharistia solemniter bene- dicunt. Interim nox advenit, miseranda ea nox e cuius tenebris