NOVARIEN. 425

possessionem capere propria et sola sua auctoritate, acce- dente tamen consensu seu licentia legitimi Superioris, vo- lentis tradere possessionem corporalem, potest eam capere nullo alio eum introducente in ipsam, ut passim fatentur Doctores, eo quod iam interveniat auctoritas Superioris.

Hisce praemissis proposito

Dubio

An et quomodo confirmanda vel revocanda sit sententia declaratoria Curiae Novariensis diei 15 Decembris 1894 in casu.

RESOLUTIO. S. Cong. EE. et Regul. re discussa sub die 23 Augusti 1895 rescripsit : Affirmative ad primam partem iuxta modum; Negative ad secundam. - Modus est - Epi- scopus non procedat ad enunciati Sacerdotis dimissionem nisi prius aliter eum congrue providerit.

Ex QUIBUS COLLIGES : I. Corporalem immissionem in be- neficii possessionem fieri non posse propria auctoritate : at quando intervenit licentia vel consensus legitimi Superioris potest quis sui beneficii possessionem capere, nullo alio in ipsam eum introducente.

II. Regulam Cancellariae Apostolicae de triennali pos- sessione sanare quemcumque defectum interventum in cor- porali immissione ad beneficium, quatenus ex hoc lapsu tem- poris ea praesumitur regularis fuisse.

III. Quamvis praemissa invocari queant quando agitur de beneficiis in genere, tamen exceptionem patiuntur in be- neficiis resignatis: in his enim possessio capi debet modo praescripto a citata Bulla Gregoriana, idque sub poena nul- litatis, neque alii admittuntur modi aequipollentes. Proinde cum in themate sacerdos Fazio praescriptioni Bullae Grego- rianae non paruerit, merito S. Congregatio sententiam Cu- riae Novariensis confirmavit, et motiva appellationis reiecit.