DAMASCENA 427

bus constaret. Atqui nemo illorum monitus a Iudicibus fuit de vi et gravitate praestiti iuramenti : nemo super interrogatoriis, quae dicuntur generalia, rogatus. Qui quidem defectus eo gravior est, quod neque Ordinarius, neque Iudices deputati quidquam ad S. Con- gregationem scripserunt de fide quam quisque meretur testis. Ac vereri subest ne testes vel omnes, vel eorum aliquis fuerit a Postu- latore edoctus de modo, quo sese in testificando gerere deberet. Sane Postulator substitutus cum Iudices rogavit ut testem 12 eodem die quo iuramentum praestiierat audiretur, hanc etiam attulit rationem; illum in promptu iam habuisse depositiones, quas facere debebat; quia paulo ante examini extraiudiciali subiectus fuerat per deputatum postulatorem.. Sicut iste, nonne alii quoque antequam a Iudicibus, a Postulatore auditi sunt, ita ut iam parati et edocti ad examen accesserint ?

Quid quod Romae etiam innotuisse videtur, quid in eo processu testes dixissent? Ex actis numquam apparet, generalem causarum Postulatorem, cum novisset alterum ex testibus (Ibrahim Mossadid) in sua testificatione dixisse causam immanis illius christianorum caedis fuisse quia christiani renuebant taxas pro militibus re- pendere, scripsisse ad P. Ludovicum a Ravenna; ut investigaret an sodales Franciscales obligarentur solvere taxas. P. Ludovicus rei indagandae gratia, litteras dedit ad P. Michaelem Cabagnes, qui et ipse notitias expostulavit a Praeside Missionariorum Lazarista- rum, qui respondit per epistolam négative. Tres istae epistolae Pro- cessui insertae sunt. Dices forte rem a Postulatore fuisse agnitam, cum publici iuris processus factus est. At licet ita sit, epistolae eiusmodi nonnisi extraiudicialiter processui inseri potuerunt ; quae idcirco, ex notissimo decreto Ven. Innocentii X I , non solum non faciunt aliquem gradum probationis, sed expungendae omnino sunt ex Processu, quamquam ordinaria auctoritate consfcructo.

Antequam de fama martyrii disseram , advertam oportet adeo ieiunas esse notiones quae a testibus traduntur, nullam ut ex iis. historiam conficere quis posset de clade illa christianorum horribili: eam quippe, nisi ut dixi memoria teneremus, ex Processus Actis vix percipi a nobis posset. Idcirco Vindex notitias desumere coactus est ex lacinia epistolae P. Bonaventurae a Solero, custodis Terrae San- ctae, ad P. Ministrum generalem totius Ordinis Minorum scriptae anno 1860. Haec tamen epistola, non solum extra Processum,, sed etiam extra Summarium est, et idcirco Causam quod attinet uti aliquod probationis momentum haberi nequit , praesertim quia ne-