EX SEGRETARIA BREVIUM 427

auspicatissime indito qua in Deum ferebatur charitate profite- retur. Vix tyrocinium posuerat, iamque in ipso vitae claustralis exordio christianae perfectionis formam apprime referre visus est. Religiosae disciplinae observantissimus, ne in minimis quidem vitae actibus illi unquam defuit, semper in opere primus, in or- dine verae humilitatis causa postremus : ex quo factum est ut non tyronibus tantum, sed provectioribus etiam sodalibus ab- soluti ssim um Seraphicae vitae exemplar habitus sit. Amore in Deum, dum preces funderet, adeo inflammabatur, ut coelestis ille ignis ex ore ipso oculisque emicaret. Deiparam vero suavi- bus prosequebatur pietatis officiis, nihilque ei iucundius quam Virginem Immaculatam dulcissimo Matris nomine compellare. In patria terra solemnia vota nuncupavit, deinde Romae per integrum annum studiis operam navavit et summa cum laude studiorum curriculum Neapoli absolvit, ubi sacerdotii primitias Deo libavit. Dum haec ageret nihil praetermisit, ut sicuti ad animi perfectionem, virtutem ac pietatem, ita ad culturam mentis, doctrinam acquireret et tantos brevi tum in litterariis tum in philosophicis divinisque disciplinis progressus fecit, ut dignus visus fuerit qui Lectoris titulo decoraretur. Sed cito latior patuit Theophilo campus in quo et excurrere virtus, et mirifice sese exercere, et erga Deum et erga proximos charitas potuit. Ob- scurum enim abditumque recessum prope Sublaqueum cum petiisset, spiritualibus exercitationibus vacaturus, sanctiorem ibidem austerioremque vitae rationem haberi a sodalibus mi- ratus, humilitatis uti erat asperitatisque cupidissimus, inibi mo- rari supplici prece superiores suos flagitavit. Voti compos soda- lem piissimum nactus est Beatum Thomam a Cora, quem so- cietate coniunctum, vitae innocentia simillimum, laborumque apo- stolicorum comitem, proposuit sibi sanctae aemulationis exem- plar. Quamobrem demandatum sibi habuit salebrosum munus arctioris rigidiorisque disciplinae nonnullis in suis Ordinis coe- nobiis ac recessibus provehendae, et ipse summo flagrans zelo, ut simul et gloriam Dei amplificarci et spirituali confratrum emolumento consuleret, innumeris difficultatibus alacri etflecti nescio animo devictis, propositum finem adeptus est. Idcirco Crustumerinum primum recessum in pristinum florem revocavit, dein alium in patria insula instituit, tandem in oppido Etruriae intra fines sito Dioecesis S. Miniati, cui Phiceclo nomen, miranda exhibuit Apostolici Ieli testimonia. Sanctus enim vir merito a