EX S. G. RITUUM 427

sans oratio " ut ait Card. de Lauraea, hoc etiam ex capite splen- didissime eminet fides S. D. Nam u Oratio assidua, ardens, humilis sancte familiaris erat animae S. D. velut alitus ; eiusque vita nihil fere fuit nisi quoddam continuum cum Domino Nostro colloquium ". Legimus autem in Vita D. S. a coaevo edita: " Ioanna in conti- nuo fuit actu divinae praesentiae": in rebus dubiis, in angustis, in inceptis ad Deum confugiebat, auxilium implorans. Vere affirmare possumus, Spiritum Sanctum eius praeceptorem et veluti paedago- gum subinde quid facere oporteret inspirasse Famulae suae per orationem constantem sibi coniunctae.... Multiplicia, quibus distine- batur, negotia, cum tam multas deberet curare Religiosas Filias, alere pauperes, nedum ei impedimento erant quominus Deo atten- deret, in causa erant, cur instantius ad Eum supplex se conver- teret.... et plures continenter horas diebus singulis in sacra aede orationi tribueret ",

Huic orandi studio par erat devotionis spiritus. Erga Sanctis- simam Eucharistiam, quae singularem in modum fidei mysterium est, singularem pietatem gerebat. Dominicum Corpus libare quoti- die, ante Sanctum Ciborium frequenter diuque precari, Divini Sa- cramenti amorem cultumque propagare. u Devotissime erat affecta erga Sanctissimam Eucharistiam, quam quotidie consuevit summo cum pietatis ardore suscipere. Postquam autem, quod vehementis- sime optarat, est assecuta, ut apud se posset Sacramentum ha- bere, ante Ipsum noctis etiam partem adorando consumebat". Sa- cratissimae Eucharistiae amore cavit in Regula ut nullum es- set diei tempus, quo non una aut plures ex Sororibus ante Sa- cramentum adstarent supplices. Hanc divinam escam cum tanto- pere esaurire videretur, illi praeter lacrimabilem eiusdem aetatis desuetudinem facultas quotidianae Communionis facta est: dum autem extremum aegrotavit Dei Serva, Episcopus Andegavensis relaxans dioecesana statuta, divini Viatici solatium ter in hebdo- mada ei concessit. Patientem autem pro hominum redemptione Christum non minus quam sub mysticis speciebus latentem prae- cipua devotione Ioanna coluit; eiusque cultum Sororibus diligenter inspiravit.

Non minus idoneum eius fidei argumentum suppetit ex pietate filiali, qua Beatissimam Virginem appellatam a Clemente Alexan- drino " sceptrum hortodoxae fidei " perpetuo prosequuta est. Eam post Christum Deum maximam patronam et caelestium munerum conciliatricem adhibebat. Clementissima porro Dei Mater miris do-