428 EMPHYTEUSIS.

meri nunquam idipsum exhibere potuisse; eo siquidem exhibito, victrix eadem extitisset.

Aiebant tertio, in libris administrationis apud archivium Soda- lium extantibus, contractum illum saepissime uti locatitium fuisse designatum: et si quandoque uti emphyteuticus adnotatus est, id ex errore ac ignorantia factum fuisse: eodemque vitio laborare assignationem a Sodalibus demanio datam, itemque aliam in censualibus tabulis insertam.

Aiebant quarto, nullum ius in sui utilitatem haurire posse Familiam C. ex instrumento recognitionis in dominum cum no- bilissima directaria familia celebrato : ea enim res inter utras- que familias^contrahentes tantummodo gesta fuerat, quin ullam Sodalitas in ea re partem habuisset: at vero nihil tam vulgatius quam, rem inter alios actam tertio minime nocere.

Aiebant denique, etsi per hypothesim contractus ille non locatitius, sed subemphyteuticus declaratus fuisset, subemphyteu- sim hanc non perpetuam, sed ad tertiam generationem coercí ta m cen^eri debere: in dubio enim ecclesiasticas emphyteuses perpe- tuas non iudicari: quare descendentes familiae C. cum in tertio saltem gradu iam versarentur, proximum esse dévolution! locum.

EA QUAE FAMILIA C. PRO SUIS PRLCÍBUS FAVORE EXCIPIENDIS AFFERE-

BAT. - Haec contendebat, dubitari non posse de contractu emphy- teutico, ideoque rem perutilem Sodalibus facere si ad eliminan- das controversias, solutis scutatis quinquaginta, vineam pro novo instrumento in perpetuum sibi concedi postulasset. Caeterum respondebat ad primum, scripturam intervenisse cuius expressa mentio facta reperiebatur et Notarius nominatus fuerat in in- strumento recognitionis in dominum: aliud enim esse scripturam non inveniri, aliud non extitisse, quo secundo casu tum S. Bota, tum S. C. Epis, et Reg. de emphyteusis validitate iudicium ferre non dubitarunt, ut in Montisfalisei Emphyteusis 23 Septem. 1859 et in alia eiusdem dioecesis diei 6 Maii 1864.

Respondebat ad secundum nihil officere si neque Beneplaci- tum Apostolicum deduceretur, quod una cum scriptura deper- ditum fuerat: et sane, in utraque mox allegata causa Montisfa- lisei, Rescriptum Pontificium itidem deerat, et quamvis ipsum cum scriptura petiisset, tamen emphyteusim in suo robore per- manere iudicatum fuit.