428 RESTITUTIONIS IN INTEGRUM

« integrum adversus quinquennii lapsum ratione iustae ignoran- « tiae aut impedimenti ad reclamandum »,

Contra, non videri iustas causas a Iosepho adductas, cuius- modi illa erat, ob praeteritas perturbationes, id enim forte admitti posse, si de septem annis ageretur, quibus civiles vicissitudines bellaque in Hispania ferverent; non vero postea, praesertim quum insistentia quoque paterna postea cessaverit.

Aliud praeterea obstare: namque ex sanctione Tridentina sess. 25 c. 19 de Reg. « Si antea habitum sponte dimiserit nulla- tenus ad allegandam quamcumque causam admittatur, sed ad mo- nasterium redire cogatur, et tamquam apostata puniatur ». Ideoque neque audiendum Iosephum esse, nisi prius iterum habitum re- gularem reassumpserit, apostasia purgata. Verum quidem esse, dominante dispersione, e coenobio exiisse, nihilominus, in ad- movemus S. Sedi precibus, et hoc prius postulare ipsum debuisse, ut legitima haberetur eius mora extra claustrum.

Quod si Iosepho concederetur nihilominus in integrum resti- tutio, animadversum est, timorem metumve gravem ad declaran- dam irritam professionem in praesenti themate non ostendi: namque et ipsum reverentialem metum minis iunctum esse de- bere Auctores tradere, ex textu cap. 4 et ibidem Glossa, Schimier Iurisp. can. I. 3 tract. 1 c. 3 t. 2 n. 347, 360, 398, aliique: exigi quoque, ut pater assuetus sit minas exequi, neque filium se sub- trahi posse, Barbosa not. decis. 77, n. 47, Reiffenstuel, aliique.

In praesenti autem themate unum tantum esse testem, qui de minis a patre illatis mentionem faciat, quibus tamen, ut idem testis fatetur, non pateret, patrem minas fuisse exsecuturum : neque videri, quomodo filius eas declinare non potuerit, qui in longinquas quoque regiones deinceps demigrare ausus esset.

Praeterea, Iosephum permansisse post professionem tres fere annos in coenobio : iam vero tranquillam moram in coenobio per annum factam, tacitam ratihabitionem inducere, ut ex Cap. 1 de Reg. in 6, et Clement. 2, eiusdem tit. eandemque dispositionem suum retinere vigorem etiam post Tridentinum, docente Engel, in Ius can. I. 3 tit. 31 n. 25, Card. Petra, Comment, ad Constit. Apost. t. 5 pag. 525.

Sed Iosephum, non solum intra quinquennium reclamare neglexisse, sed non reclamasse nisi elapsis triginta et amplius annis, omni cessante violentia: quod maximam praesumptionem