428 DAMASCENA

queant ex reliquo eius textu, nobis ignoto , argumenta desumi ad obiectiones refutandas. '

Venio ad martyrii famam quae ex Benedicti X I V doctrina u ni- hil aliud est quam existimatio et communis opinio quod aliquis Dei aliqua pro fide Christi, vel pro virtute quae ad fidem Chri- sti deducatur, illatam sibi mortem patienter tulerint, et quod signa seu miracula eorum intercessione vel ad patefaciendam eorum pretiosam mortem secuta sint, ita ut apud plerosque, concepta devotione, in suis necessitatibus invocetur etc. n Lib. II Cap. 39 n. 7. Eiusmodi ne est illa quae de Martyrio octo sodalium Franci- scalium vigere dicitur ? Profecto de fama nihil in Interrogatoriis cautum video : in articulo tantum II ponitur : christiani necati in dicta persecutione habentur uti martyres a catholicis , ceu deponunt testes fide digni. Huic tamen Articulo testes 10, 11, 13, 17 se ni- hil scire responderunt. Reliqui, ut plurimum affirmant ; verum non hosce tantum, sed omnes omnino christianos a Drusis Mahumeta- nisque tum interemptos, uti martyres habent. Scilicet rudibus sim- plicibusque hominibus unum idemque est a Mahumetanis interimi ac martyrem esse. At quia martyrem non tam facit poena, quam causa : causam occisionis christianorum Damasci non religiosam fuisse, sed politicam communis opinio perhibet.

Etenim 3 testis ait : censeo unam ex causis occisionis stetisse in hoc quod christiani renuerent solvere taxam pro militibus. Te- stis 9 ait: credo occisionem fuisse eo quia christiani nolebant repen- dere taxam pro militibus. Testis 4 ad a r t i c i ait: respondeo perse- cutionem non fuisse in odium Fidei, sed propter opiniones politicas. Ceteri testes, nempe 1, 7, 8, 9 10, 11, (12, est testis singularis de hac re non interrogatus,) 13, 14, 15, 16, 17, 18, 19, causam occi- sionis se nescire responderunt.

Unus quidem est testis 2 qui asserit cladem illam ex odio in christianam fidem fuisse derivatam. Sed quam suae assertionis af- ferat causam attende. Erat contra Fidem quia cruces delineabant, in viis publicis, et cogebant christianos ad eosdem conculcandas. Non omnes quidem, cogebant sed tantum, pueros, iuxta Informatio- nis auctorem. Neque id mirum : nemo enim negaverit hac agendi ratione Mahumetanos, perpetuos rei catholicae hostes, odium suum in eain manifestasse. At ideo ne irruptionem fecerant, ut christia- nos ad crucem calcandam, vel fidem eiurandam cogèrent ? Ac prae- sertim, hi octo de quibus agimus , ideo ne mactati, quia crucem calcare renuissent ? Non ita sentit testis 3 qui super Articulo I haec