428 EX SECRETARIA BREVIUM

Franciscalibus appellatus Sacrorum Recessuum Propagator, ut ad pietatis officia excolenda regularemque disciplinam adamus- sim servandam sodalium animos alliceret, recte iudicavit seipsum abundare oportere iis omnibus laudibus ad quas excitaret alios, et plus valere sermonem si confirmaret exemplo. Quare paupertatem, obedientiam, castitatem, charitatem, alias omne genus virtutes singulari prorsus studio peramavit. Paupertatem ita dilexit, ut in victu cultuque vilissima semper requireret, vestibus uteretur obsoletis, saepe ostiatim stipem pro religiosa sibi commissa familia rogaret. Ad obedientiam quod attinet, dicto iugiter audiens praepositurorum fuit, nullam unquam mo- ram parendi interposuit, cum etiam superioris partes gereret, Franciscalis regulae mandata religiose servavit. Ingenuam sim- plicitatem morumque candorem abstinentia et asperrima cor- poris castigatione sepsi t diligenter. Quid de charitate referamus ? aegrotos invisere, animam agentibus usque ad extremum spi- ritum assidere, egenis opem nec requirentibus ferre, solari ca- lamitosos consilio, opere, prout res postularet, proximos iuvare solitus fuit. Nam venerabilis Dei famulus Theophilus non con- fratribus tantum suis verbo et exemplo profuit, sed in christia- nam etiam plebem e sacris expeditionibus eidem commissis multae ac permagnae utilitates manarunt. Praesul enim Dioe- cesis S. Miniati, et alii plures in Etruria Antistites sanctitatis fama permoti, certatim illius ministerio in Missionibus spiritua- libusque exercitationibus utebatur. Ipse autem Theophilus tanta alacritate et constantia sacri huiusce muneris partes explevit, ut neque imbecillitate virium, neque asperitate viarum, neque hospitiorum squallore, neque coeli inclementia retardaretur. Divini verbi praeconi frigoris atque aestus patientia par , dum municipia, oppida, pagos circumiret pedes. Tantis vero laboribus longe lectissimi ac saluberrimi fructus coniuncti fuerunt. Simul- tates non paucae eius industria sublatae, vitia saepius inveterata radicitus avulsa, non raro inter domesticos parietes restituta pax, ubicumque sacras conciones haberet, invecta morum inte- gritas, aucta pietas, aeternae animarum salutis studium exci- tatum: ipse autem Dei servus iure tum Phicecli oppidi tum universae S. Miniati Dioecesis Apostolus habitus atque vocatus. Talis cum esset Theophilus, longe lateque de ipso fama per- crebuit, cum patriam insulam altera vice relinquens, condito in ipsa Franciscali recessu, solvit in Italiam; magna populi mo-