EX SECRETARIA BREVIUM 429

rantis reditum turba comitante navem conscendit: saepenumero et in itinere et in concionibus catervatim ad eum confluebat cupida audiendi et videndi multido. Neque illi divinum defuit testimonium; scrutationis enim cordium et prophetiae dono eni- tuit, multaque ab ipso dum vitam mortalem duceret prodigia patrata feruntur. Tandem dum annum ageret aetatis suae quar- tum et sexagesimum, in recessu Phicecli quem potissimum virtutibus suis illustrarat, decimoquarto kalendas Iunias anno millesimo septingentésimo quadragesimo dissolvi cupiens et cum Christo esse, ad beatitatis aeternae sedem placidissimo exitu advolavit. Dulcissimum penes sodales desiderium sui, in- signem vero penes christianum populum sanctimoniae gloriam moriens reliquit, quae et viget adhuc in patria insula atque in Etruria et effectis praecipue ad sacros eius cineres miraculis crevit. Quare examine in haec omnia inito de Beatorum Coelitum honoribus olim ei decernendis, Causa apud Sacrorum Rituum Congregationem haud sero instituta est; habitisque intercessu temporis e re disquisitionibus, aliisque vel ad iuris apicem fauste absolute fel. re. Pius PP. VII Praedecessor Noster Venerabilis Theophili a Curte virtutes singulari laude prosequutus, heroicum culmen has attigisse edito sanxit decreto sexto Idus Septembres an. MDCCCXVII. Deinde Nos alio decreto solemniter evulgato x ka- lendas Iunias anni vertentis MDCCCXCV de binis miraculis interces- sione ipsius venerabilis Fratris Theophili a Deo patratis suprema auctoritate constare declaravimus. Illud restabat discutiendum num Venerabilis Dei Servus tuto inter Beatos foret recensendus. Quod propositum fuit a dilecto filio Nostro Vincentio S. R. E. Pres- bytero Cardinale Vannutelli causae relatore in generalibus comi- tiis coram Nobis hoc anno decimoquarto kalendas Iulias in Vaticanis aedibus coactis ; omnesque qui aderant tum Cardina- les tum Sacrorum Rituum Congregationis Consultores unanimi suffragio affirmative responderunt. Nos vero iterandas esse Deo preces censuimus, ut ad sententiam in tam gravi negotio feren- dam coeleste auxilium Nobis comparemus. Tandem pridie Idus Iulias, die qui sacris solemnibus immortale Franciscalium decus S. Bonaventuram commemorabat, Eucharistico litato sacrificio, adstantibus Caietano Aloisi Masella Sacrorum Rituum Congre- gationis Praefecto ac supradicto Vincentio Vannutelli S. R. E. Cardinalibus nec non Augustino Caprara Sanctae Fidei promo- tore, tuto procedi posse decrevimus ad solemnem Venerabilis